فيفي عبده توجه نصيحة للسيدات للحفاظ على أزواجهن: مفيش حاجة اسمها وصل صاحبتي
حلت الفنانة فيفي عبده ضيفة على برنامج كلام الناس، التي تقدمه الإعلامية ياسمين عز، ووجهت فيفي عبده نصيحة للسيدات للحفاظ على أزواجهن.
وقدمت الفنانة فيفي عبده نصيحة للسيدات، قائلة: ليه الراجل بيجري من الست بتاعته، لأن ممكن تكون صاحبتها بترسم على كده علشان تاخدوا منها، هو في حاجة اسمها روح وصل صاحبتي.
وتابعت فيفي عبده: ده حتى لو هو نيته كويسة ممكن يكون هي نيتها مش مظبوطة، ماينفعش الست تقول أسرار في بيتها لأي مخلوق، لأن الست اللي بتصطاد في المياه العكرة بتعرف نقطة ضعفه، وتاخد اللي عاوزاه وتطير الولية بولادها وتشقطه، هو إيه اللي حصل في الدنيا وإيه كمية الطلاق والخلع دي، وكويس إن الريس عمل قوانين جديدة للموضوع ده علشان ما يستهترش بالموضوع والراجل يدفع قبل ما يتجوز.
فيفي عبده: الست بتعجب الراجل اللي بتعب عليها
وأضافت الفنانة فيفي عبده: الست بتعجب الراجل اللي بتعب عليها ويطلع عينها، الغالي تمنه فيه ولازم تعززي نفسك، مش هتلاقي زي اللي اختاريته وخلفتي منه، ولا تقولي لصديقتك أي حاجة في بيتك عندك مشكلة ادخلي الأوضة وحلوها وأديله فرصة مرة واتنين وفي الآخر تجيبه الأهل ويخلصوا الموضوع، مش هما الاتنين ينطحوا في بعض علشان هي سامعة لها رسالة حلوة، ولا هو حاطط عينه على واحدة.
