محمد حماقي: عملت أغنية حاجة مستخبية طلع عندي جلطة في القلب
كشف الفنان محمد حماقي عن الأزمة الصحية الكبيرة التي تعرض لها أثناء تسجيله لأغنية حاجة مستخبية ونقل على إثرها إلى المستشفى وأجرى عملية جراحية.
وتحدث الفنان محمد حماقي عن هذه الأزمة،، وذلك من خلال حلوله ضيفًا على برنامج الإعلامية والفنانة إسعاد يونس ببرنامج صاحبة السعادة، حيث قال:أغنية في حاجة مستخبية عملت قلبان، هي أصل الأغنية ديه غريبه، حصلتلي أزمة صحية، 2011 كنت في يوم عند أحمد إبراهيم، وشغلين ولقيت حاجة بتوجعني في ضهري، وقولتله أنا مش حاسس إني مظبوط، وأنا هروح ونزل معايا، وبعد ما ركبت العربية ومشيت، وكلمت تومه قولتله أنا هروح مش مظبط، وياسر كلمني وقال في إيه، لقيت ضغطي 160 على 110، وراح ياسر الصيدلية يجبلي جوا، والدكتور مرضوش يديلوا دوا غلشان أنا مكنش عندي الضغط، وكان أمين جدُا، وقالوه شربه كركردية.
محمد حماقي: الدكتور قالي انت دلوقتي لازم تروح المستشفى.. ولو لقيت إشارة اكسرها
وتابع محمد حماقي:الكلام ده بليل متأخر شوية، وشربت الكركردية ولقيت الضغط نزل، بعد كده تعبت تاني، وقالولي انت دلوقتي حالًا تروح ع مستشفى تاني، ولو قبلتك إشارة تكسرها، وروحت على المستشفى التانيه ونزلت، نزلت لقيت كرسي، وعملت عملية قسطرة قلب، وكان عندي جلطة في القلب والحمد لله اتلحقت في الوقت اللي متسبش أثر، الأغنية كانت في حاجة جوه قلبي مستخبيه، وليه يطلع عندي جلطة، ونزل إشاعات إن حماقي هيبطل، بس الحمد لله رديت عليهم بعد ما خفيت.
