يسرا: الحمدلله أني مخلفتش.. ومقدرش أستحمل يكون عندي طفل ويموت
كشفت الفنانة يسرا؛ أسباب عدم رغبتها في فكرة الأمومة، مُوجهة رسالة إلى كل السيدات التي لم تنجب حتى الآن.
وقالت يسرا خلال لقائها في برنامج كلام نواعم: أنا في التلاتينات كان عندي هاجس أني لازم أبقى أم، لأني معطاءة بطبعي، وكنت هموت وأخلف، وبعدين حصل أني فقدت طفلين في جوازتي الأولى.. لما اتجوزت خالد قولتله نخلف.. ملقتوش مبسوط من الموضوع ده، وقال نشوف.
الحمدلله أني مخلتفش
وتابعت يسرا: قولت مش عاوز يخلف مني، وسألته إن كان قلقان أني مكونش أم كويسة؛ قالي أنتي الست الوحيدة اللي أتمنى أخلف منها، لكن الزمن اللي هنخلف فيه على بال ما يكبر بعد 20 سنة هتبقى حياة مختلفة.. مش هيشوفوا اللي إحنا شفناه.. هتبقى حياتهم أسرع وسطحية، وأنا مش عاوز أشوف عيالي كده، وأنا بعد فترة اقتنعت وبقول الحمد لله أني مخلفتش.
رسالة يسرا إلي السيدات
وعن رسالتها إلى السيدات حول فكرة تأخر الإنجاب، أوضحت يسرا: أوعوا تزعلوا من قدر ربنا مديهولكم.. قدر أنتم مش حاسين بيه، مع الوقت تخطيت الشعور وبالتجارب شفت ناس فقدوا أولادهم ومش قادرين يعيشوا، وشفت ناس أولادهم عاصيين ليهم.. معرفش إيه ممكن كان يحصلي.. ممكن مكنش استحمل أن يكون عندي طفل ويموت، وبالنسبة لي خالد هو حياتي، وابني وجوزي ربنا عوضني، وبقول للي ما خلفش ميزعلش، واللي خلف يحمد ربنا.
