نادية الجندي عن طقوسها في العام الجديد: ببدأ السنة بالروحانيات والدعاء
كشفت الفنانة نادية الجندي، طقوسها في العام الجديد 2023، مشيرة إلى أن لها طقوس اعتادت عليها كل عام.
وقالت نادية الجندي خلال مداخلة هاتفية ببرنامج الستات: يا رب يجعلها سنة جميلة كلها أمل وحياة وسعادة، وتكون سنة مختلفة، وأنا شخصية متفائلة لأن بعد الصعاب بيجي الفرج والسعادة.
وعن طقوسها في العام الجديد، أضافت: بقى لي سنين ليا طقوس خاصة، وببدأ السنة بروحانيات ودعاء لربنا يجعلها سنة كويسة، لأن دي حاجات بتدي راحة نفسية، وبقعد في البيت مع ابني، ومش بحب الزحمة والأماكن المزدحمة والخروج وعلمت هشام ابني يعمل زي وبقى يلتزم معايا بنفس الطقوس.
أمنيات نادية الجندي للعام الجديد
في سياق متصل، كشفت نادية الجندي، أمنياتها للعام الجديد، مشيرة إلى أنها تتمنى تقديم عمل سينمائي جديد، إلى جانب أنها لا تمانع الزواج إذا وجدت ابن الحلال.
وقالت نادية الجندي: أتمنى أقدم عمل في السينما؛ لأنها في دمي وهي كل حاجة في حياتي؛ لأني لو ما وقفتش قصاد كاميرا أحس أني هموت وحياتي انتهت؛ ولأني من وأنا طفلة وعمري 13 سنة بمثل ومن 5 سنين بمثل في المدرسة، مردفة: لازم أقف قدام كاميرا في عمل أكون مقتنعة به، وسعيدة به وأنا بأديه وحاسة أني بعمل حاجة جديدة وشخصية مختلفة فيها تحدي، لكن اللي بيتعرض عليا أدوار مكررة وحاجات سطحية.
وعن مواصفات الشخص الذي تتمنى الزواج منه قالت: يكون ابن حلال بس مش طالبة أكتر من كده بمعنى أحس أنه سندي ومقدر قيمتي وحنون وأحس جنبه بالأمان لأن ده أهم إحساس في العالم.
