أبرز تصريحات هنا الزاهد على انستجرام.. مفيش جزء ثاني من أنا وهي والفن مغيرش شخصيتي
قررت الفنانة هنا الزاهد التحدث مع جمهورها، عبر خاصية ask على انستجرام، كاشفةً تفاصيل أعمالها الجديدة منها مسلسل سيب وأنا أسيب وعلاقتها بالفنان علي ربيع.
أبرز تصريحات هنا الزاهد
- الأسود والأبيض والبمبى ألواني المفضلة.
- بحس إني إنسانة مسئولة جدًا عن كل اللي حوليا وبحب ده جدًا ومقدرش أكون غير كده.
- عندي مسلسل سيب وأنا أسيب هينزل قريب على شاهد.
- مش هسامح حد أذاني.
- لسه راجعة من لبنان مخلصة تصوير المسلسل، وفيه فيلمين مخلصة تصويرهم بس لسه منزلوش فأظن هاخد إجازة لنفسي شوية.
- كنت سعيدة وفخورة لما شاركت في حفلة قادرون باختلاف، وحقيقي من أجمل الحاجات اللي حصلتلي إني قابلت أجمل ملايكة في الدنيا، وإن شاء الله نشوف بعض تاني.
- الفن مغيرش في شخصيتي خالص أنا زي ما أنا وشخصيتي هي هي من أيام الجامعة والمدرسة، دائمًا الناس يقولولي إوعي تتغيري وده اللي بحاول على قد ما أقدر آخد بالي منه.
- أكتر صفة بكرهها هي الكدب.
- كان هيكون فيه جزء تاني من مسلسل أنا وهي واتلغت الفكرة وقلت أعمل مسلسل جديد وقصة جديدة اللي هينزل قريب على شاهد.
- كان عندنا فكرة إننا ناخد حدوتة من مسلسل حلوة الدنيا سكر نعملها مسلسل كامل.
- أنا إنسانة بيتوتية أكتر يعني لو معنديش شغل أحب أقعد في البيت ومع العيلة أكتر من الخروج.
- علي ربيع من أقرب الشخصيات لقلبي.. أطيب واحد في الدنيا.
