إيناس مكي: فيلم ركلام مفهوش مشاهد جريئة.. وماعرفش مشاهدي اتحذفت ليه
تحدثت الفنانة إيناس مكي، عن حذف مشاهدها في فيلم ركلام، بطولة الفنانة غادة عبد الرازق ورانيا يوسف، مؤكدة أن العمل لا يحتوي على مشاهد جريئة على حد قولها.
وقالت إيناس مكي، في تصريح خاص لـ القاهرة 24: فيلم ركلام مكانش جريء ولكن قماشة الفيلم بتتكلم عن اختلاف شخصيات نساء في المجتمع، سواء بنت في الكباريه أو بياعة في محل، لحد استايل الركلام اللي في الكباريهات.
وأشارت إلى أن الشخصيات التي جسدها فيلم ركلام هي شخصيات متواجدة في المجمع بالفعل، موضحة: الموضوع اللي بيناقشه الفيلم موجود في الواقع ولكن بالنسبة لمجتمعنا بيعتبر الموضوع أنه جرئ وإزاي نتكلم عن الناس دول، ولكن مفهوش مشاهد جريئة.
إيناس مكي
وأكدت إيناس مكي، أنها لم تندم على مشاركتها في أحداث فيلم ركلام، قائلة: مندمتش على أي عمل، وفيلم ركلام معروف أنه اتشال في المونتاج كذا دور مش دوري أنا لوحدي، ومع ذلك أنا معنديش فكرة الندم في الحياة ودا مريحني نفسيًا وعندي رضا.
وأضافت، أنها لا تعلم سبب حذف مشاهدها في العمل خلال مرحلة المونتاج، قائلة: أنا مكنتش بقرأ الغيب ومكنتش أعرف أن أدوارنا هتترمي في المونتاج، ورانيا يوسف قالت إنها متبرية من الفيلم وملهاش علاقة بيه، وكل الفنانين ردوا والناس حاولوا يوقعوا بين الفنانات والأبطال في الفيلم ويقولوا إن فيه فنانة هي اللي شالت أدوارنا في المونتاج، بس أنا قولت أنا مالي ومال زميلتي؟ ولحد دلوقتي أنا مش قادرة أفهم ليه ده حصل.
واختتمت حديثها قائلة: مش منطقي شركة الإنتاج تتكلف ثمن ديكور كامل وفي الآخر يتشال، لمصلحة مين؟ معقول شركة الإنتاج صرفت على الفاضي؟.
