أحمد آدم: أنا ضد المساكنة ومبقناش نفرق بين الصداقة والحب والجنس
كشف الفنان أحمد آدم، رآيه في تصريحات الفنان محمد عطية حول زواج المساكنة، مؤكدا أنه ضدها، ولكن من الواجب أن يستطيع الشاب التفرقة بين الحب والصداقة والجنس.
وقال أحمد آدم، في تصريحات تليفزيونية: أنا مش مع المساكنة، الكلمة دي تعرفوها اليومين دول.
وتابع أحمد آدم: مشكلتنا إننا مش بنعرف نفرق بين الصداقة والحب والجنس، ولما واحد بيعرف واحدة، بيبقى عايز التلاتة مع بعض، الواحد لو عرف الفرق بيعرف يختار اللي هيتجوزها، وأنا متحرمتش من الحكاية دي لأني كنت بمثل، وطول الوقت أصدقائي البنات أكتر من الصبيان.
تصريحات أحمد آدم
وسبق، وكشف أحمد آدم؛ حقيقة حبه من طرف واحد من فنانة مشهورة، عملت معه قديمًا في عرض مسرحي، حيث قال خلال تصريحات تليفزيونية: آه كنت في علاقة مع فنانة اشتغلت معاها مسرح، ومكنش من طرف واحد، الست لما بتحب راجل بتعرف تجيبه.
وواصل أحمد آدم: مكنش فيه حكاية جواز هو كل حب لازم يحصل فيه جواز، الجواز بيموت الحب، ياما الحب من غير أمل أسمى معاني الغرام، ولا هي طلبت جواز ولا أنا عرضت عليها جواز ولا كنا نعرف بعض عشان نتجوز، بنستريح للكلام مع بعضينا.
واستكمل أحمد آدم: كان حب مش من طرف واحد، ميتقاليش أنا كلام زي ده، أنا ممكن أحب واحدة وهي ولا تعرف، مينفعش أبان إن أنا بجري، ومعملتهاش ولا مرة من وأنا طفل.
أعمال أحمد آدم
يذكر أن أحمد آدم، شارك في فيلم 200 جنيه، وحقق من خلاله نجاحا جماهيريا كبيرا في العالم العربي، وضم العمل نخبة من أبرز الفنانين، منهم، أحمد رزق، أحمد السقا، أحمد آدم، هاني رمزي، إسعاد يونس، خالد الصاوي، طارق عبد العزيز، وهو من تأليف أحمد عبد الله، ومن إخراج محمد إمين.
