والله بتتعالج.. انهيار رجل بعد سرقة كلبته قمر بالإسماعيلية
تداول رواد مواقع التواصل الاجتماعي، فيديو مؤثرًا لـ رجل يبكي بحرقة، بعد أن سُرقت الكلبة الخاصة به بالإسماعيلية، موجهًا رسالة لمن سرق كلبته مطالبًا بإعادتها مرة أخرى، مشيرًا إلى أنه حزين بشدة على كلبته المريضة التي سُرقت منه.
مقطع فيديو يظهر رجلا يبكي بشدة على فراق كلبته
وظهر بمقطع الفيديو رجل وهو يبكي بشدة، بعد أن سُرقت كلبته التي تعاني من المرض، موجهًا رسالة للشخص الذي سرق الكلبة، قائلًا: أنت أذيتني نفسيًا.. بالله عليك حلفتك بالله، راجع نفسك وارحمني أنا.. هي معاك هتموت والله بتتعالج.. دي رسالة أنا بوصلها لك، إنت متعرفش النار اللي جوايا، أرجوك رجعهالي، وأنا مسامحك، لو إنت تعرفتي رجعلي الكلبة وهديك اللي أنت عاوزه.. أرجوك لو في قلبك ذرة رحمة رجعها لي.
وتابع الرجل، في مقطع آخر له: والله ما شوفت أذى قد اللي شوفته من البشر، والله ما اتسرقت ولا انجرحت ولا اتأذيت غير من البشر، مشيرًا إلى أنه تعرض للسرقة من قبل أحد الأشخاص، حيث قام اللص بكسر الباب الحديد والأقفال لسرقة الكلبة، قائلًا: واحد كسر الباب الحديد والقفل عشان يسرق كلبة شارع على أساس إنها ممكن تجيب له فلوس، بدون أي رحمة ليا ولا للحيوان، ولا رحم رقة قلبي على الحيوان اللي بيتعالج.
وأضاف الرجل في رسالته الموجهة لـ سارق كلبته قمر: عايز فلوس أنا هديك لكن متسرقنيش، قائلًا: قمر اتسرقت أول إمبارح من واحد دخل كسر الباب الحديد وسرق كلبة الشارع المشردة، موجهًا رسالة لرواد مواقع التواصل الاجتماعي، قائلًا: أي حد عارف قمر كويس وشافها في الإسماعيلية مع أي حد يبلغني، قمر اتسرقت من بني آدم انعدمت عنده الرحمة وحسبي الله ونعم الوكيل فيه.
وتابع: والله العظيم الشر جوا البشر، إنك تكسر باب عشان تسرق روح ملهاش أي ذنب على أساس إنها ممكن تجيب لك فلوس، فهي لا هتسعدك ولا أنت هتعرف تسعدها، هي مش هتديك اللي إنت متخيله، هي بـ تتعالج ومتعرفكش.. أنا معرفش إنت أذيتني ليه، إنت لا رحمتني ولا رحمتها، الكلبة كنت متعلق بيها ومهونة عليا مر الأيام.
