مفيش أغنية نزلتها منجحتش والوسط الفني طلع لهم شوية أطفال علموهم الأدب.. أبرز تصريحات عمرو مصطفى
كشف الفنان والملحن عمرو مصطفى أنه لن يقدم ألحانًا مرة أخرى للمطربين، حيث أكد أنه سوف يكثف مجهوداته في الفترة المقبلة لأعماله الغنائية فقط، وسوف يحتفظ بألحانه لنفسه، ولن يتعاون مع أي مطرب مرة أخرى، حتى يترك لأبنائه وأحفاده تاريخًا فنيًا مشرفًا يتفاخرون به، حسب قوله.
وتحدث عمرو مصطفى عن هذا لأمر، خلال لقائه في برنامج مشاهير الحرة، ونستعرض لكم أبرز تصريحاته خلال اللقاء:
ـ الناس مبقيتش قادرة تسمع 3 دقايق في الأغاني ويصعب عليا حد يسمع أغنية وفي النص يقفلها.
ـ ظلمت نفسي إني مغنتش من زمان ومفيش أغنية نزلتها منجحتش.
ـ كنت بتعاطف جدًا مع زمايلي وقررت مش هتعاطف تاني.
ـ كل الألحان اللي قدمتها ندمان عليها كنت عايز أغنيها لنفسي وبشرة خير كنت عايز أغنيها.
ـ مش هدي أغاني لحد تاني لو دفعولي مال الدنيا.
ـ هعمل أغاني لبنات ولـ عمرو مصطفى بس.
ـ محتاج أسيب تاريخ لولادي وأحفادي تاريخ موسيقي راقي.
ـ بدي الأغنية للمطرب بينزلها 50%.
محمد منير دا البابا بتاعنا، دا حالة لوحده.
ـ أشعر بالندم ولن أعطي ألحاني لأي فنان.
ـ بحب أغاني أحمد سعد شاطر برافو عليه، ولازم يفكر عمل إيه في حياته عشان يتغير.. علاقته بربنا إيه والدته أسرته كدا.
ـ لما جت لهم الفرصة يحاولوا ينافسوا عمرو مصطفى فقلت عمرو اللي هيطلع وهعلمكم الأدب.
تصريحات عمرو مصطفى
ـ الوسط الفني طلع لهم شوية أطفال علموهم الأدب، اللي مشي وراهم خسر، واللي احترم نفسه وقعد وذاكر هو اللي كسب.
ـ فنيا أنا أسهل واحد ممكن تتعامل معاه، وأصعب واحد تتعاملي معاه لو حاولت تبقى ذكي.
ـ تريند في رمضان كان رسالة من ربنا أنت يا عمرو اطلع.
ـ هعمل حفلة واحدة في السنة.
