السيسي: مؤسسات المجتمع المدني تقوم بدور الحكومة.. ومش عايز دكتور مصطفى يزعل

حرص الرئيس عبد الفتاح السيسي، على توجيه الشكر لمؤسسات المجتمع المدني لما قدموه خلال عام 2022، والذي أطلق عليه عام المجتمع المدني، مؤكدًا أن ظروف 2023 محتاجة بذل جهد أكبر، لأن ظروفها صعبة.

وأضاف السيسي، خلال مداخلة له على هامش فعاليات المؤتمر الأول للتحالف الوطني للعمل الأهلي والتنموي: الظروف صعبة وأنا بتكلم بمنتهى الصراحة، والظرف صعب ومش معناه إن الحكومة مش هتشتغل، إنما محتاجين شغل أكبر من المجتمع المدني.

صندوق تحيا مصر 

وتابع رئيس الجمهورية: محتاجين دعم، لإننا في أزمة كبيرة ولها تأثير كبير، وبالتالي محتاجين التحالف يشتغل بهمة ويتضاغف جهده في 2023، وبادعوا للمساهمة في تكبير الـ 14 مليار التي يطمح التحالف لإنفاقها خلال العام، ودعمها من صندوق تحيا مصر والصناديق المصرية، لرفع هذا المبلغ.

وأشار الرئيس، إلى أنه على اتصال مع مؤسسات المجتمع المدني للحديث معهم عن عملهم وبعض المعوقات التي قد تواجههم، مشيرًا إلى اهتمامه ببرنامج التمكين، متابعًا حديثه عن المستفيدين من هذا البرنامج: عندهم طموحات بالتوسع في فدان وفدنين، وأنا شايف إن حد بحجم الأمل اللي عندهم يستحق مزرعة يدرها، زي الست أمل والناس اللي قدامي. 

فيما وجه الرئيس عبد الفتاح السيسي، الشكر للمجتمع المدني والمستفيدين من برنامج التمكين: لازم أشكركم ربنا يوفقكم، وبشكركم عشان النجاح اللي حققتوه، وإنكم أمل لغيركم لإنكم نموذج للناس والنجاح، موجهًا شكره للتحالف الوطني، بقوله: بوجه الشكر والتقدير لجميعات الكيانات التي تعمل في العمل الخيري، وإحنا محتاجين هذا النور.

المؤتمر الأول للتحالف الوطني للعمل الأهلي والتنموي

وتابع: مؤسسات المجتمع المدني بتقوم بدور الحكومة مش هتقوم بيه بنفس الكفاءة، ومش عاوز الدكتور مصطفى يزعل، وده اللي شوفناه من التحالف، محتاجين مزيد من الكيانات الأخرى تدخل في التحالف الوطني، عشان نشوف نفس النتائج اللي بنشوفها والنماذج الناجحة.

واستكمل السيسي حديثه: لازم نشكر كل المساهمين على دعم التحالف الوطني للعمل الأهلي، الكلام ده بيتم من دعم كل إنسان جوه الخير ولديه القدرة على مساعدة الناس، والـ 10 مليار جنيه اللي استخدمهم التحالف كلها تبرعات.