السيسي لصغار المزارعين: وزارة الزراعة فيها موظفين ميقدروش يقدموا اللي بتقدموه.. ونحتاج التعاون معاكم بكل المجالات
قال الرئيس عبد الفتاح السيسي، رئيس الجمهورية: إن المبادرات الصحية محل تقدير ودعم منا، ولكن الزراعة تحديدًا بنزرع في أسوان وسوهاج، في الصعيد جزء حوالي 350 ألف فدان من القصب.
وأضاف السيسي، خلال فعاليات المؤتمر الأول للتحالف الوطني، للمزارعين الصغار، أنه يستهدف قدرتهم في الوصول إلى جميع المزارعين، معلقا: وزارة الزراعة فيها موظفين ميقدروش يقدموا اللي بتقدموه.
وتابع: فدان القصب لو اتعمل بزراعة حديثة يقلل كمية المياه، لو 10% ده رقم كبير أوي، ولو قلنا إن القصب بيزود الإنتاجية بنسبة 20% أو 30%، لو استهدفنا ده وقدرتوا توصلوا لكدة بالتعاون مع وزارة الزراعة، لأن المزارع اللي بيزرع بيسيب الحاجة في الأرض خمس سنين.
المؤتمر الأول للتحالف الوطني
وأكد السيسي: كل موضوع بنتكلم فيه بنشاور عليه ونقول للناس بصوا عليه، متابعا: ماتستقلش بفول الصويا أو القصب اللي بتزرعه، لو نجحنا مع وزارة الري والزراعة عشان محتاجين نتعاون معاكم في كل المجالات، احنا بنستهدف بحلم.
وصرح السفير بسام راضي المتحدث الرسمي باسم رئاسة الجمهورية، بأن التحالف الوطني للعمل الأهلي التنموي، يعد ركنًا مهمًا في عملية التنمية بالدولة، وداعمًا لمنظومة شبكات الحماية الاجتماعية، بتكامل عمله مع جهود الحكومة والقطاع الخاص، بحيث تعمل القطاعات الثلاث من أجل تحقيق التنمية المجتمعية والأنشطة الخدمية لصالح المواطنين على امتداد محافظات مصر، حيث تمتلك مؤسسات المجتمع المدني كوادر إدارية وميدانية مدربة ومؤهلة تستطيع تقديم الخدمات بسرعة وكفاءة عالية، بالإضافة إلى القدرة على الوصول إلى الأسر والفئات المستهدفة وتقديم الخدمات المجتمعية لها في مختلف المحاور.
