الراقصة هندية: أنا ما رمتش الكلب.. عمل بيبي عليا وسبته مع السايس وطلعت عشان أصلي
دافعت الراقصة هندية عن نفسها، بعد الهجوم الشديد الذي تعرضت له، بعد اتهامها بإلقاء كلبها المصاب في الشارع.
وقالت الراقصة هندية في تصريحات خاصة لـ القاهرة 24: ناس قليلة الأدب، بيشتموني بالأم والأب، وبألفاظ يحاسب عليها القانون، وبالعكس أنا كلمت الدكتورة ومتكفلة بعلاجه.
وأكدت الفنانة هندية، أنها لم تلق كلبها في الشارع، قائلة: أنا ما رمتوش لو عاوزة أرميه كنت رميته في أكتوبر، هعمل كده إزاي، لكن أنا كان بقالي فترة ما روحتش شقتي في أكتوبر فروحت لقيته تعبان وخدته في عربيتي ومشيت وأنا بأكله عمل بيبي عليا وكنت طالعة أغير هدومي وسيبته مع سايس أخرس في ميدان، وقلت له هستحمى وأصلي وأنزل.
الراقصة هندية والكلب
وأضافت الراقصة هندية : علشان الكلب بتاع هندية عملوا حكاية، لو بتاع حد تاني ما كانش حد سأل، أنا قلت أسيبه واصلي وأنزل اسأل عن مستشفيات حوالينا، ونزلت جبت له أكل هي الكاميرا شافتني وأنا برميه وما شا فتنيش وأنا نازلة أحط له أكل.
وعن الانتقادات التي تعرضت لها، قالت الراقصة هندية : يقولوا اللي يقولوه حتى لو رميته ما أي حد ممكن يرمي كلب.
وواصلت الراقصة هندية حديثها قائلة: سايبين كل حاجة وبيتكلموا على الكلب، ما يشوفوا الأطفال اللي مرمية بلا كلام فاضي.. وعلى فكرة الكلالب ده بيكون زي ابنك وأنا متعلقة به جدًا، وكنت سايباه مع الغفير في شقتي بأكتوبر ولما شفت حالته قلت له إزاي تسيبه كده وكنت بعيط عليه في الشارع.
وكانت هندية نشرت فيديو، ترد فيه على الهجوم الذي لاقته قائلة: أنا بعمل البث ده لأن في فيديو منتشر وأنا بنزل الكلب بتاعي من العربية.. لكن أنا لاقيت الكلب تعبان جدا، جبته وأنا ساكنة في شقة مينفعش أحط الكلب فيها، وسيبته في ميدان ولقيت ولد قلت له هطلع أصلي واخده أي مستشفى، وبعد ما رجعت لاقيت حد من الرفق بالحيوان أخدوه.
