ياسر جلال لـ القاهرة 24: أدعو جموع الشعب للتبرع لصندوق تحيا مصر
دعا الفنان ياسر جلال الشعب المصري للتكاتف والتبرع لصندوق تحيا مصر، للخروج من الظروف الراهنة التي يمر بها الاقتصاد المصري.
وقال ياسر جلال في تصريحات خاصة لـ القاهرة 24: أدعو جموع الشعب المصري للتبرع لصندوق تحيا مصر، مضيفًا: واللي ميقدرش ومعهوش مش مشكلة أحنا سدادين وكلنا واقفين في ضهر بعض وربنا يخلينا لبعض.. وأدعو زملائي الفنانين يتبرعوا وأنا عارف إن منهم عمل ده قبل كده بس الظرف اللي إحنا فيه لازم نحاول تاني.
وأضاف: أنا راجل لا غاوي شهرة ولا منظرة ولا نجومية، أنا بشتغل وبخلص شغل وبروح أقعد في بيتي مع مراتي وولادي، وربنا يعلم إني بعمل ده عشان شايف إن بلدنا بتمر بأزمة كبيرة والعالم كله يمر بأزمة كبيرة، وانعكاس ده واضح على الحالة الاقتصادية لمصر، إن شاء الله الأزمة دي هتعدي وطول ما احنا واقفين ضهر وسند لبعض ربنا يحفظ مصر ويستر شعب مصر ويسترنا ويرزقنا ويحمي الشعب المصري كله.
آخر أعمال ياسر جلال
نافس ياسر جلال في موسم دراما رمضان 2022، بمسلسل الاختيار 3، وجسد خلاله شخصية الفريق أول عبد الفتاح السيسي، وذلك مع العديد من النجوم، منهم الفنان أحمد عز وأحمد السقا وكريم عبد العزيز.
