شمس البارودي لـ القاهرة 24 حول إمكانية عودتها للتمثيل: كفاية عليا زوجي وابني
تحدثت الفنانة شمس البارودي، حول إمكانية عودتها للتمثيل مرة أخرى، بعد ارتدائها الحجاب واعتزالها الفن في منتصف الثمانينات.
وقالت شمس البارودي، في تصريح خاص لـ القاهرة 24: كفاية عليا زوجي وابني، عمر ابني شهاداته عاليا من سويسرا وبقوله يا ابني اشتغل بـ شهاداتك طالما مش بتمثل ووظيفتك دي تجبلك مكانة كويسة، ولكن هو الوحيد في ولادي الحقيقة اللي حابب التمثيل وربنا يرزقه العمل اللي بيحبه.
وعلقت شمس البارودي، على الجدل المثار بشأن إعادة تقديم السيرة الذاتية للشيخ الشعراوي، قائلة: موضوع تجسيد سيرة الشعراوي ده أنا حاسة إنه لعبة وأنا مش هدخل فيها ولا حسن هيدخل فيها، وحسن كان رده واضح قال لو هتعملوا حاجة خدوا موافقة أسرته زي ما أنا عملت، وهو فعلًا خد موافقة الأسرة كتابيًا واللي كتب المسلسل وقتها اللواء بهاء الدين إبراهيم وهو كان رجلا فقيها وكتب مسلسلات دينية كثيرة، وساعتها قعد مع أولاد الشيخ الشعراوي أخد منهم معلومات وكتب هو المسلسل.
وأضافت: بناء على معلومات أسرة الشعراوي، حسن يوسف جسد الشخصية، ومش هدخل في الجدل ده، وإن الله يدافع عن الذين آمنوا.
سبب غياب شمس البارودي عن جنازة والد ريم البارودي
كما كشفت الفنانة شمس البارودي في تصريحاتها، سبب غيابها عن جنازة نجل عمها ووالد الفنانة ريم البارودي، موضحة: أنا مبروحش أي أماكن عامة بيبقى فيها كاميرات متطفلة، يعني أنا أخويا شقيقي توفي مكملش سنة وكان الدفن والعزاء في البيت، ولكن مرحتش المسجد بسبب الكاميرات المتطفلة؛ لأني بشوف على فيس بوك اللي بيحصل وأنا مبحبش الحكاية دي وبعتبرها حرام، وقُلت لابن وبنت أخويا إني مش هاجي المسجد بسبب الكاميرات، وحرام وعيب نتعرض لكاميرات وقت حزن.
