خالد الصاوي: ندمت على عدم الإنجاب مبكرًا.. وفكرت في تبني طفل يتيم
أعرب الفنان خالد الصاوي عن ندمه لعدم الإنجاب مبكرًا، موضحا أنه كان يفكر في تبني طفل يتيم.
وأكد الصاوي في تصريحات تلفزيونية، أنه ندم لتأخره في الإنجاب، مشيرا إلى فكرته لـ تبني طفل يتيم، حيث قال: أنا ندمت على كل حاجة عاملتها متأخر، ندمت إني مخلقتش لحد دلوقتي، وإني ماتجوزتش بدري.
وأضاف خالد الصاوي: فكرت في وقت من الأوقات أني اتبنى طفل يتيم بس مكنتش عارف القرار ده صح ولا لأ، ومقدرتش لأن مشكلتي أني متحرك وبسافر كتير، ولكن اللي يقدر يتنبى طفل يتيم ربنا يبارك له.
وتابع: مراتي نفسها بتشتكي أني طول الوقت في شغلي مش في البيت وكمان هيبقى في مسئولية زي وجود طفل وابقى مش قد المسئولية، أخاف أتبنى طفل وأكون مش قدها، بس ممكن أكفل حد ولكن مش عندي لأني ممكن أبوظ حياته أكتر ما أصلحها.
وفي سياق متصل، تحدث الفنان خالد الصاوي عن الفنان أحمد خالد صالح، قائلا: أحمد خالد صالح ابن أخويا وكأنه ابني بالظبط، وشايفه بيتقدم جدًا ما شاء الله عليه، يمكن كنت خايف عليه في الأول بس أنا وثقت في دماغه قبل ما أثق في فنه لأني مربيه من صغره.
أخر أعمال خالد الصاوي
ينتظر الفنان خالد الصاوي عرض فيلم يحمل اسم مغامرات كوكو، والمقرر طرحه في السينمات مطلع شهر فبراير المقبل 2023، ويشاركه في العمل مجموعة من الفنانين أبرزهم: بيومي فؤاد، محمد أسامة الشهير بـ أوس أوس، محمد سلام، شيرين رضا.
