عمرو أديب عن تعادل الأهلي: المصري فريق تقيل.. وليه تروحوا تتخانقوا مع الحكم؟
علق الإعلامي عمرو أديب، على تعادل الأهلي والمصري البورسعيدي سلبيًا دون أهداف، وذلك في اللقاء الذي جمع الفريقين على ملعب استاد برج العرب، ضمن منافسات الجولة الـ 13 لبطولة الدوري الممتاز.
أنا اتفرجت على الأهلي والمصري
أديب قال في برنامجه الحكاية مساء اليوم الجمعة: أنا اتفرجت على الأهلي والمصري، وبتفرج على الدوري المصري، الأهلي لعب 90 دقيقة وفوقيهم 6 دقايق، وباعتراف جمهور الأهلي شريف والشحات وناس كتيرة في الأهلي ضيعت أجوان غير طبيعية.
وأكمل أديب: الأهلي بقاله مدة الدقيقة تسعين مش ماشية أوي، وبلوم على اللي ذهب للحكم عقب نهاية المبارة، مباراة انتهت وراحت اللاعيبة والإداري على الحكم بسبب 50 ثانية.
وتابع: فيه إيه يا جماعة؟ احنا هنتخانق بيها كل الماتشات؟ ليه نروح للحكم ونتعرضله، هنلعب إزاي بالطريقة دي، احنا بنشوف الشتمية واضحة في الدوري المصري.
واختتم: على فكرة بجد فيه مشاكل تحكيمية طبعا والناس بتحس إن مجهودها بيضيع، انتوا بتتخانفوا مع الحكم، المصري مش قليل المصري فريق تقيل وحسام حسن مش سهل.
وبعد هذا التعادل أصبح رصيد فريق النادي الأهلي 31 نقطة، استمر بها الفريق الأحمر في صدارة ترتيب الدوري، فيما أصبح رصيد فريق المصري 18 نقطة، استمر بها الفريق البورسعيدي في المركز الثامن بجدول ترتيب الدوري.
