بعد فيديو لقاء الخميسي.. بشرى: إحنا جزء لا يتجزأ من النسيج الوطني
كشفت الفنانة بشرى، رأيها في حديث الفنانة لقاء الخميسي التي نشرت فيديو طالبت فيه جمهورها باحترام آرائها وأفكارها، مشيرة إلى أنها تأيدها بشكل كبير.
وأعادت الفنانة بشرى نشر فيديو الفنانة لقاء الخميسي التي تحدثت فيه عن اختلاف الثقافات، وطالبت من جمهورها احترام آرائها، وذلك من خلال حسابها الشخصي بموقع الصور والفيديوهات انستجرام، وعلقت: صح يا لقاء كفاية بقى ونرحم بعض شوية، إحنا جزء لا يتجزأ من النسيج الوطني ومن شعب مصر، يعني بنمر بنفس اللي أي مواطن بيمر بيه من أزمات محناش كائنات كرتونية، الفنان نبض المجتمع مش الحيطة المايلة بتاعت المجتمع، الفنان الحقيقي طبعًا مش المدعي، ومش أي مشهور يستحق لقب فنان.
لقاء الخميسي: إحنا بنيجي على نفسنا علشان نبسطكوا
وكانت نشرت الفنانة لقاء الخميسي فيديو من خلال حسابها الشخصي بموقع الصور والفيديوهات انستجرام، مطالبة جمهورها باحترام آرائها، حيث قالت: رجاء من كل الناس اللي بتتابع السوشيال ميديا.. اللي بيحب حد يدخل عنده ويقوله كلمتين حلوين أو يصمت.. مبتحبش متقولش ممكن نختلف في الآراء، لكن لازم نتعلم إزاي نحترم الاختلاف، ياريت نبطل نهين بعض، ونرفض أفكار بعض كل واحد زي ما تربى، وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح أن أهاجم حضرتك.. الحاجة بقت تزهق بصراحة، لممثل عنده نفس التفاصيل اللي بتمر بيها.. أزمات نفسية ومادية وعائلية ومشاكل ومنحبش نوريكوا مشاكلنا.
