أشرف زكي: ياسر جلال دايمًا بيتبرع للنقابة وبيحلفني مقولش ولا في دماغنا التريندات
كشف الفنان أشرف زكي عن رأيه في تبرع الفنان ياسر جلال لصندوق تحيا مصر، مؤكدً إنه من أكثر الفنانين المتبرعين لنقابة المهن التمثيلية.
وتحدث الفنان أشرف زكي عن التبرعات التي تحدث في النقابة، خلال تصريحات تلفزيونية، قائلا: هي الناس مش عارفة الأدوار اللي بنعملها، وفعل الخير مش محتاج إننا نعلن عنه، عاملين جروبات وبنكفل زملائنا المحتاجين، والمرضى، وزملائنا اللي بيرحلوا وأسرهم، إحنا مبنتأخرش، وأما بعمل نداء بيتم استجابته بعد دقيقة، وكان في زميل توفاه الله عضو في نقابة تانية، وقسمًا بالله زملائنا الفنانين اتحركوا في 5 دقائق، والمبلغ تم تجميعه، وبنعمل ده لأن ده رد الجميل لبلدنا، وفي الآخر إحنا مصريين، وهنطلق مبادرة رد الجميل.
أشرف زكي: مش في دماغنا نعمل ترندات
وعن تبرعات الفنان ياسر جلال لـ النقابة، وأكثر الناس الذين يتبرعون للنقابة، قال أشرف زكي: أولًا مش في دماغنا نطلع نقول ونعمل تريندات ياسر جلال أكتر واحد بيساهم وبيتبرع لزملائنا في النقابة وبيحلفني إن محدش يعرف، وبقوله سامحني، ولسه هو باعت من أيام قليلة تبرع محترم جدًا لزملاءه المحتاجين في النقابة، وقالي لو قولت ده أقاطعك، وأكتر من مناسبة بلاقي ياسر باعت شيك لحساب النقابة وبيقولي ده أقل حاجة لزملائي في النقابة.
