عبد الحليم علي يفتح النار على لاعبي الزمالك: هاتوا فلوسنا وامشوا وماتحرقوش دمنا
فتح عبد الحليم علي، نجم نادي الزمالك الأسبق، النار على لاعبي الفريق الأبيض، عقب الخسارة أمام بيراميدز، والخروج من بطولة كأس مصر.
قال عبد الحليم علي خلال تصريحات تلفزيونية عبر قناة الزمالك: أنا مش هدعمك وأنت بتحرق دم الجماهير، ولكن أنا أدعم رجل يقدر تيشرت النادي الكبير، لكن مش هدعمك وأنت بتاخد كل حاجة ومبتتعبش نفسك حتى عشان الجماهير.
أضاف عبد الحليم: محدش يقول إن المشكلة في المدرب نعم يوجد بعض الأخطاء، لكن اللاعيبة أصلا مش مركزة أنت مش مركز ياسيدي هات الفلوس اللي اخدتها وامشي أنت مش مستوعب بتلعب فين، ولا التيشرت اللي لابسه ده بتاع مين.
في لعيبة تتمنى تمشي جانب سور الزمالك
أوضح نجم الزمالك الأسبق: لعبنا بلاعيبة أقل من دول فنيا وأخدنا الدوري في دعم جماهيري مشوفناهوش في حياتنا، والكل كان مستغرب وبيقول اللي حصل ده إعجاز كروي.
كما شدد في نهاية حديثه: عيب أوي على اللاعبين، الموضوع في أيدك لو مش قادر تتحمل المسئولية هات فلوسنا وفي لعيبة تتمنى تمشي جانب سور الزمالك بس ومستواهم أكبر من اللي موجودين.
وودع نادي الزمالك بطولة كأس مصر اليوم من الدور نصف النهائي، عقب الخسارة أمام بيراميدز بركلات الترجيح، عقب انتهاء الوقت الأصلي والإضافي للمباراة بالتعادل الإيجابي بهدف لكل فريق.
