رحاب الجمل: فيفي عبده ساندتني في وفاة أختي وجاتلي من السفر مخصوص.. ومعشتش مرحلة الحب
تحدثت الفنانة رحاب الجمل عن حياتها الشخصية وعلاقتها بزوجها وسبب تسميتها له بـ مؤسسة، بالإضافة لحديثها عن مساندة الفنانة فيفي عبده لها في وفاة شقيقتها برديس، حيث جاء ذلك خلال إحدى البرامج التليفزيونية.
وقالت رحاب الجمل خلال تصريحات تليفزيونية: أختي برديس توفت عندها 21 سنة في حادثة عربية، وكنت نايمة، ولما عرفت خبر وفاتها من أختي، لقيت نفسي بطلب فيفي عبده، وكانت في لبنان قولتلها أنتي أختي الكبيرة وأكتر واحدة بتنقذني في الكوارث.
وأضافت رحاب الجمل: كلمتني وقالتلي عزة بنتي هتكون عندك دلوقتي حالًا، وأنا جاية ليكي وهحجز أول طيارة، وعزة بنتها جت، وكان معاها الكفن داخله بيه.
وعن علاقتها بالسوشيال ميديا، تابعت رحاب حديثها قائلة: علاقتي بالسوشيال ميديا 0 من 10، وبشتم الناس اللي بتشتمني، وبحب نفسي زي ما أنا.. مش عايزه أغير حاجه فيا، وبحب عصبيتي وكل حاجة.
وأوضحت رحاب عن سبب تسميتها لزوجها بـ للقب مؤسسة: بقول لجوزي وحش ومؤسسة، وبقوله كده عشان باخد رأيه وصحابة في شغلنا، وهو ربنا مسّخره لحوائج الناس وبيساعد كل اللي حواليه بالفكرة والنصيحة، وأنا زوجة طول الوقت بحاول أكون كويسة.
وعن رأيها في نجاح العلاقة بين الزوج والزوجة، واصلت رحاب الجمل: مفيش مواصفات لنجاح أي علاقة، والحب هو أنك تتحملي المسئولية، ومعشتش مرحلة الحب والنحنحة.
آخر أعمال رحاب الجمل
ويعد آخر أعمال رحاب الجمل مسلسل توبة، الذي عرض في السباق الرمضاني 2022، والعمل كان من بطولة عمرو سعد، ماجد المصري، أسماء أبو اليزيد، وعدد آخر من الفنانين، والعمل من إخراج أحمد صالح.
