صفوة: الرقاصة المحترمة بقا شغلها قليل.. وكل ما العري زاد الفنانة تبقى أكبر
تحدثت الفنانة صفوة عن مهنة الرقص ونظرة الناس والمجتمع لـ الراقصات، وكيف تقدره البلاد الأجنبية، موضحة أن البلاد الأوربية تقدر مهنة الرقص، أكثر من المجتمعات الشرقية.
وأضافت صفوة خلال لقائها مع الإعلامية مروة صبري، في برنامج قعدة ستات، المذاع على شاشة القاهرة اليوم: دلوقتي مين الناس الكويسة، اللي إحنا بنحترمهم، وهنفضل نحترمهم في زمن الفن الجميل، زي دنيا، بوسي، فيفي عبده، وأنا بعترف أن دول فنانات، وراقصات إلى أبعد الحدود محترمات، وهم فوق دماغي.
واستكملت صفوة: من 8 أو 10 سنين فاتوا، ظهر عدد من الراقصات زي، صافيناز، وكل ما العري ما بقا أكتر، كل ما الفنان بقا أكبر، والفنانات والراقصات المحترمات اللي بكلمك عليهم، بقا شغلهم أقل بكتير.
وأردفت صفوة: أي بلد أجنبي بيقدروا الرقص الشرقي جدًا، وأنا مش مكسوفة من لقب راقصة، لكن مهنة الرقص ما فيش حد بيقدرها بالتقدير المناسب لها، ولازم الناس يكون الوعي بتاعها غير كده.
وكانت الراقصة صفوة، قالت إن مهنة الرقص مهنة صعبة للغاية، لكنها مهنة مربحة، معللةً: يكفي أن الراقصة بتشغل معاها 40 راجل بشنبات.
تصريحات الراقصة صفوة
جدير بالذكر أن برنامج قعدة ستات، تقدمه الإعلامية مروة صبري، عبر قناة القاهرة اليوم، ويتم إذاعته يوم السبت من كل أسبوع، وتستضيف الإعلامية خلال البرنامج عددًا من نجوم الفن والشخصيات العامة والمشاهير.
