صفوة: أنا كنت بالنسبة لجوزي الثالث فرخة بتبيض ذهب.. وبعدين سرقني ودخلني السجن
تحدثت الراقصة صفوة، عن كواليس علاقتها بزوجها الثالث، والذي كان سببًا رئيسيًا في دخولها السجن، موضحة أنه كان يستغلها، وأن الكثير من أسرتها حذروها منه لكنها لم تستجب لهم.
وقالت صفوة خلال لقائها مع الإعلامية مروة صبري، في برنامج قعدة ستات المعروض على شاشة القاهرة اليوم: جوزي سرق فلوسي، ودخلني السجن عشان أنا حمارة، ومش أنا لوحدي بقول كدة، في ستات سامعين كلامي، وبيقولوا نفس الكلام، هو عمل كدة برغم أنه كان بيعمل حاجات كويسة كتير جدًا معايا ومع أهلي كمان، ومخي ساعتها مكنش قادر يستوعب أن الخير الي كان بيعمله مني أنا.
تصريحات الراقصة صفوة
وأضافت صفوة: لما كان حد بيقول على جوزي أنه مش كويس، وشوفي مستقبلك مكنتش بصدقهم، وأعمل لمستقبلي، وأنا كنت بالنسبة له الفرخة اللي بتبيض ذهب، وأنا عمري ما كنت بفكر وراه، أنا مكنتش مستوعبة أنه بيصرف من فلوسي.
كما كشفت صفوة، رأيها في الراقصات حاليًا، إذ قالت إن المجتمعات الأوروبية تُقدر تلك المهنة بشكل كبير، غير مجتمعاتنا الشرقية، معقبة: أي بلد أجنبي، بيقدروا الرقص الشرقي جدًا، وأنا مش مكسوفة من لقب راقصة، لكن مهنة الرقص ما فيش حد بيقدرها بالتقدير المناسب لها.
يشار إلى أن برنامج قعدة ستات من تقديم الإعلامية مروة صبري، ويتم عرضه عبر قناة القاهرة اليوم، وذلك يوم السبت من كل أسبوع، وتستضيف الإعلامية خلال حلقات البرنامج عددًا من نجوم الفن والشخصيات العامة.
