أحمد عيد: بيتعرض عليا شغل كتير وبرفض.. ومش هشتغل غير اللي شايفه كويس
علق الفنان أحمد عيد، على تصريحاته الأخيرة بشأن تعرضه للظلم؛ بسبب عدم مشاركته في أعمال فنية خلال الفترة الماضية، مؤكدًا أنه يعرض عليه بالفعل ولكنه يرفض.
وكتب أحمد عيد، منشورًا عبر حسابه الشخصي بموقع فيسبوك، جاء فيه: أنا حابب أوضح إني مقصدتش أشتكي ولا أبان عندي ظلم.. بيتعرض عليا شغل كتير وبرفض.. عشان مش هشتغل غير اللي شايفه كويس احترامًا لنفسي وللجمهور.
وتابع أحمد عيد: مش فارق معايا أشتغل أصلا أو مشتغلش والحمد لله ماديًا مش محتاج.. المهم أعمل اللي أنا مقتنع بيه، وكلامي بيتحور أحيانا عشان أبان بشتكي أو مظلوم ليه مش عارف.
واستكمل أحمد عيد: بالنسبة للأخ اللي عمل تعليق على الصورة بيقولي مالك يا أستاذ أحمد عينك فيها حزن ليه، وسايب دقنك وشنبك، عايز أقوله إن بس ده راكور علشان بصور حاليًا، وبجد بشكركم كلكم على رسائل وبوستات الدعم والمحبة.
تصريحات أحمد عيد
وسبق، وحضر أحمد عيد، حفل توزيع جوائز joy awards ، الذي أقيم يوم الجمعة الماضي، على مسرح بكر الشدي في منطقة بوليفارد رياض سيتي، بالمملكة العربية السعودية، ضمن فعاليات موسم الرياض.
وقال أحمد عيد في تصريحات تليفزيونية: أنا مبقتش موجود على الساحة، وتفاجأت بدعوتي لـ حفل joy awards وفرحت جدًا إنهم افتكروني، ونفسي آجي تاني، ونهضة السعودية الفنية هتفيد الوطن العربي بأكمله لأن كلنا واحد وبنتشارك في نفس اللغة والتراث، وأنا جيت السعودية وعملت مسرحية من 20 يوم ويمكن عشان كدا افتكروني.
