الرئيس السيسي: لو كنا اتأخرنا في عمليات التطوير وحبينا نعملها النهارده هتتكلف 5 أضعاف
تحدث الرئيس عبد الفتاح السيسي، عن جدوى المشروعات القومية الجديدة، متسائلًا: هل كان من الممكن إننا مانعملش شبكة الطرق والنقل ونسيبها كده، والمسألة هنا إننا اضطرينا نعمل كل حاجة وبنشتغل في كل حاجة، مكانش عندنا ترف إننا نقول هناك أولويات، لأننا كنا محتاجين نشتغل في كل الملفات لأنها محتاجة جهد وشغل كبير.
وأضاف السيسي، خلال كلمة له على هامش المشاركة في احتفالية عيد الشرطة الـ 71 بأكاديمية الشرطة: في أوقات اتساءل لو مكناش عملنا شبكة الطرق والنقل كانت الدولة هتمشي إزاي؟، والخلاصة التي أريد أن أقولها إننا مكانش عندنا سوء تقدير للموضوع، وخلي بالكم وإنتوا بتقولوا ده، هو حجم الدولة المصرية قد أي علشان كل ده يتعمل في 7 سنوات فقط، وهذا عبء كبير وضخم أوي ولو التطوير ده بنحاول نعمله دلوقتي والسنوات اللي جاية هيتكلف 3 أو 4 أو 5 مرات أد اللى اتكلفناه.
وتابع: إحنا عملنا خطة تنتهي في 3 سنوات لأننا مكناش هنقدر نسيب حياة الناس كده 20 سنة، ولما نزلنا على أرض الواقع حطينا رقم كبير جدًا، ووجدنا إننا محتاجين وقت أكثر، فهل كان ممكن إننا نعمل ده على مراحل طويلة ونسيب الناس كده؟.
وأردف الرئيس السيسي: كل يوم بيعدي من غير ما تعمل فيه التغير والإصلاح في حياة الناس في ناس بتتعذب وتتألم
الأزمات العالمية أثّرت على العالم بأسره لاسيما أزمتا كورونا والحرب الروسية الأوكرانية
وحرص الرئيس عبد الفتاح السيسي على التأكيد على ثقته في المصريين، في مواجهة حملات التضليل التي تستهدف مصر والأمن المصري، بقوله: عندي ثقة في الشعب المصري إنه فاهم بس بأكد.
وأضاف السيسي، أن هناك أسئلة واضحة لجميع المصريين لا بد من توجيهها للجميع، وسط محاولات التضليل وإثارة البلبة في الشارع.
وأشار رئيس الجمهورية، إلى أن هناك أسئلة موجهة دائمًا وأحاديث، حول أن المشروعات القومية التي قامت بها مصر السبب في الأزمات التي تمر بها البلاد، رغم الأزمات التي أثّرت على العالم بأسره، لاسيما أزمتا كورونا والحرب الروسية الأوكرانية.
