نضال الشافعي: الناس شايفة الفنان معاه فلوس ولامبورجيني مش فاهمين إنه بيتعب وبيتألم وعنده قصور مادي
أعرب الفنان نضال الشافعي عن سعادته بنجاح حكاية روليت من مسلسل في كل أسبوع حكاية، التي عرضت خلال الفترة الماضية، مشيرًا إلى أنهم ناقشوا أكثر من قضية.
وأشار نصال الشافعي خلال ندوته في القاهرة 24، إلى أن حكاية روليت ناقشت قضية أهمية المصارحة في العلاقات العاطفية، إذ إن تراكم الأحزان والخلافات يجعل من الصعب التهاون في التعامل مع نتائجها، أما القضية الثانية، هي تناول حياة الفنانين بشكل خاطئ لدى الجمهور، إذ إن الجمهور يعتقد أن الفنان مُرفه ويعيش في المالديف ولديه فلوس لا تُعد ولا تُحصى وسيارات عديدة ومنها لامبورجيني.
نضال الشافعي: التاريخ أثبت أن حياة الفنانين غير مستقرة
وقال نضال الشافعي: الناس متعرفش الفنان كافح قد إيه في حياته، وفيه ناس كتير بتتبرع بأجورهم زي أم كلثوم أيام ما كانت عايشة بكفاح وتتبرع بأجرها، وعبد الحليم اللي طالع من وسط الشعب، كل قصص النجاح دي كانت بتتعمل للنجوم، ولما تيجي تقول للمنتج إنه يعمل قصة كفاح فنان في عمل فني، يرد يقول الناس مبقاش يخصها جو الكفاح وحياة الفنانين، وده ناتج إن الناس مش فاهمة قد إيه الفنان بيتعب وبيتألم في حياته، وعنده وجع ويمكن يكون عنده قصور مادي في حياته، أو ابنه تعبان أو مراته عايزه حاجة وهو مش عارف يجيبها، كل ده متاخد في فكرة الأضواء فقط.
وأدف نضال الشافعي: وفي حكاية روليت كان فيه حوار بيدور بيني وبين نجلاء بدر وهي بتقولي فيه: تعالى نعمل مشروع عشان محدش عارف الزمن بقى فيه إيه؛ لأن تاريخنا الفني أثبت إن حياة الفنانين غير مستقرة، والفنان أصبح بيندرج تحت بند الأرزقي، في السنة ممكن يجيله 3 أعمال والسنة اللي بعدها ممكن ميجيلوش، وده هيقصر على معيشته، والجانب ده مش متشاف.
