منى العمدة بعد إيقاف برنامجها: الناس غيرت في تون صوتي
تحدث الإعلامية الموقوفة منى العمدة عن فيديو العاصمة الإدارية الجديدة، مشيرة إلى أن صوتها في الفيديو به مؤثرات ومتغيرات.
وقالت منى العمدة في تصريحات تلفزيونية، إنها سألت ضيفها سؤال واحد وهو ما رأيه في العاصمة الإدارية الجديدة، ولكن مستخدمي السوشيال ميديا أخذوا الفيديو وغيروا في تون الصوت وإضاءة الفيديو، موضحة: أول سؤال ليا عمل ضجة جامدة وغير طبيعية، أنا بسأل الضيف أيه رأيك في العاصمة الإدارية الجديدة.
وأضافت: الناس أخدت الصوت وغيروا في التون وعملوا خفض للإضاءة وعملوا شوية مزيكا والفيديو اللي على السوشيال ميديا اتلعب فيه على مستوى الصوت والصورة والإضاءة.
كما أشارت الإعلامية منى العمدة إلى أن جهات الرقابة الخاصة بـ قناة النهار أكدت أن الفيديو المنتشر لها على السوشيال ميديا، به تغيير في الصوت والصورة والإضاءة، معلقة: كان رد الجهات الرقابة في قناة النهار وقالوا إن الماتريال مكنش كدا.
وأوضحت منى العمدة أنها تعمل كمذيعة في قناة النهار منذ عامين ونصف، وأن طبقة صوتها واحدة ولم تتغير، ولكن سبب تغييره في فيديو العاصمة كان بسبب إجرائها عملية في أذنها وأنها كانت ترتدي فستانا به مايكرفون واحد فقط، وقالت: أنا كنت مركبة مايك واحد وأنا بقالي سنتين ونص بعمل البرنامج، ودي أول مرة أركب مايك واحد ودا حظ، لأن الفستان كان هايل كول ومكنش مستحمل غير مايك واحد.
وتابعت منى العمدة: والسبب الثالث هو أني كنت عاملة عملية في ودني وحتى الآن لها أثر وباخد مسكنات وده مغيرش في تون الصوت أنا صوتي كدا بس كان عامل حالة من الهبوط والسكينة وأنا كنت ممكن ألغي التصوير بس أنا بحترم مهنتي وشغلي وأنا ماضية عقود وماينفعش نقول إن المذيعة عيانة فهناخد إجازة ماينفعش دي مسؤولية وجيت ع نفسي ونزلت صورت.
وأضافت: أنا بقالي سنتين ونص وأتحدى أي حد يجيب ليا حلقة واحدة فيها تون الصوت متغير ويمكن رد فعل الضيف هي اللي أثارت الجدل ودا مع المسكنات والهدوء الناس قالت دي قصة حب والموضوع فيه مشاعر وده محصلش خالص، ويمكن طريقتي كانت فيها حب وفخر بس بالعاصمة الإدارية الجديدة وأنا أتشرف إنهم لقبوني بمذيعة العاصمة.
منى العمدة تتحدث عن زيارة العاصمة
وأكدت منى العمدة أنها المذيعة الوحيدة في مصر والوطن العربي التي تذهب إلى العاصمة الإدارية يوميًا، موضحة: وأنا هتحدى أي حد في اللي هقوله ده وعلى مسؤوليتي الشخصية، أنا المذيعة الوحيدة في مصر والوطن العربي اللي كانت بتزور العاصمة الإدارية يوميًا، بشوفها وهي حبة رمل وبعدها تشوفها وهي مشاريع قومية فكان لازم اسأل الضيف على العاصمة الإدارية.
