إسراء خطاب تكشف كواليس صورتها مع عبد الله رشدي: اشترط ألبس الحجاب وصورني بتليفونه
كشفت الإعلامية إسراء خطاب كواليس لقائها مع الداعية عبد الله رشدي، وحقيقة الشائعات المتداولة بأنها على علاقة بـ الأخير، إذ أكدت أن الداعية هو من التقط معها هذه الصورة، بهاتفه الخاص، وأن علاقتها به مجرد صداقة من أجل العمل، وليست غير ذلك.
وقالت إسراء خطاب، في تصريحاتها لـ القاهرة 24: الناس ربطت إني لما نزلت صوري معاه فأنا كدة اتجوزته، والكلام غير صحيح، مفيش علاقة زواج بينا، ومعنديش علاقة قوية بيه، وعلاقتي بيه صداقة عادية حتى مش أصدقاء مقربين.
وعن التقاط هذه الصورة، في عزاء زوجة الداعية عبدالله رشدي قالت: صورتي معاه مكانتش يوم العزاء، وهو طلب مني طول ما إحنا قاعدين مع بعض ألبس الحجاب، وهو اللي مصورني بـ موبايله وبعتهالي، أنا مذيعة وهو داعية وإحنا بنتصور كصحاب عادي، وكنا موجودين في مكان عام.
إسراء خطاب وعبد الله رشدي
وتابعت إسراء خطاب: كان في كلام عن التعاقد على عمل ديني، واشترط عليا أطلع معاه بـ الحجاب، لكن أنا طلبت منه يزن عليا ألبس الحجاب بشكل عام، مش في التصوير فقط، فقالي أفرضي أني مُت مش تشفعي فيا؟!، دا كان كلامنا إننا ممكن نعمل حاجة في رمضان، والصورة كانت بعد وفاة زوجته من حوالي أسبوعين.
وأضافت إسراء خطاب: جالي مكالمات فيها تهديدات وشتائم بـ لغة غير مصرية، بعد صورتي مع عبد الله رشدي، وعملت فيديو عشان ميتحسبش عليا، أنا مليش علاقة بيه.
