درة تتحدث عن قصة حبها مع هاني سعد: كان فاكرني تنكة.. ومشاعرنا اتكونت بالتدريج
كشفت الفنانة درة تفاصيل تعرفها على زوجها رجل الأعمال هاني سعد، مؤكدة أنه أهم شخص في حياتها.
وقالت درة خلال لقاء تلفزيوني: في عندنا صحاب قريبين واتقابلنا في مناسبات، ومكنش في تواصل بينا، وبدأنا نتابع بعض على السوشيال ميديا، وأعجبت بيه لأنه ناجح في شغله، وعمل نفسه بنفسه، وفي الأول كنت شايفاه صديق، وأما قعدنا نتكلم حسينا إن في حاجات بينا محتاجينها من بعض، وتكونت مشاعر بينا، وجت بالتدريج، الصح أو الحقيقي بييجي بالتدريج مش من أول نظرة.
وأضافت: أنا حسيت أنه هو هيكون جوزي حتى لما كنا بنتخانق، كان في حاجة من جوايا بتقول لي أنه هيكون جوزي كأن حاجة شايفاها، وده إحساس مالوش علاقة بصفات الشخص.
وواصلت درة: كان عنده فكرة أني تنكة أو مش سهلة، بسبب ناس مشتركين بينا ممكن يكونوا وصلوا له كده، ولما عرفني اكتشف أن في عبط مش تناكة، وأنا مش بحكم على حد غير لما أقرب منه وأعرفه.
وعن أكثر شيء جذبها لزوجها قالت: كان بياخد بالي من تفاصيلي والحاجات اللي بحبها حتى في الحاجات الصغيرة، وحبيت خفة دمه لأن الحياة فيها مشاكل وأوقات صعبة وهو بيكون واحد تاني لما يقفل.
وتابعت درة: الفكرة إن تؤام الروح مش موضوع إنه يكونوا متشاهبين في كل حاجه، حتى لو لتولدتي مع تؤام مش هتبقوا شبه بعض، ولازم علشان نكمل بعض نبقي في حاجات ناقصة، ولو زي بعض هنتعلم إيه من بعض.
واستطردت: الزواج مش كل يوم أحلى حاجة، إحنا بنعيش أوقات صعبة مع بعض، وفكرة أننا نعدي مع بعض الأوقات الصعبة هو ده اللي بينجح العلاقات.
درة: بعمل الأدوار اللي مش شبهي أحسن
من ناحية أخرى، تحدثت الفنانة درة عن الطريقة التي تختار بيها أدوارها الفنية، حيث قالت: يعني مبحبش أوي أتكلم على نفسي وبحسها إن هي أصعب حاجه، وبعمل الأدوار اللي مش شبهي أحسن من اللي شبهي، وبحب أروح لشخصية تانيه خالص، أروح لإنسان عنده شخصية مختلفة، ومش بعرف ألخص نفسي ولا أدي أدوار شبهي، دايمًا الناس اللي فاهموني بسهوله، برتاح معاهم أكتر، وبتعب قدام الناس اللي برر قدامهم، مش دايمًا حياتي الشخصية هتفيد الناس في حاجه، واتكلم عن قيم وحاجات وجعتني، ممكن أتكلم فيها، وحساتي الشخصية متخصش كل الناس.
