ساندي: تجربتي مع الطبيب النفسي سيئة جدًا.. وتعرضت للتنمر في الصغر وما زلت أعاني منه
تحدثت المطربة ساندي عن طفولتها وتعرضها للتنمر، بجانب حديثها عن فترة الاكتئاب التي مرت بها ورأيها في خطوة الزواج، وذلك خلال إحدى البرامج التلفزيونية.
أبرز تصريحات ساندي خلال إحدى البرامج التلفزيونية
ـ تعرضت للتنمر وأنا صغيرة جدًا.. كنت في أولى إعدادي وبيشلوني زي البيبي من كتر ما أنا صغيرة.. وبعاني من ده لحد دلوقتي.
ـ تجربتي مع الطبيب النفسي سيئة جدًا.. رحت للدكتورة بعد الولادة وقلتلها أني مش قادرة اتحكم في أعصابي وبعيط بشكل هستيري.. اديتني أدوية وطلعت من عندها عندي مشاكل متضاربة، ومن هنا بدأت أقرأ.
ـ اتعلمت في فترة الاكتئاب أن مينفعش احتاج لحد أو حاجة.. ومينفعش إن البني أدم عايز كل حاجة كويسة.
ـ الجواز بالنسبة لي محتاج وقت.. وعشان آخد القرار تاني قدامي وقت كبير.
مستحيل أنتقم من أي حد أذاني.. ومش ندمانة على أي علاقة دخلتها.
ـ غيرت في نفسي التسرع والخوف والعصبية والعطاء المبالغ في كل ده غيرته في سنة.
ـ بشوف نفسي مكافحة ومش بيأس.. وبشكر نفسي أنها استحملتني.
ـ بحاول أكون أم ناجحة وبعمل توازن بين حياتي وشغلي.. وصنعت من ابني طفل ذكي ومؤدب وحنين.
ـ المشكلة مش في الرجالة ولا الستات.. المشكلة جوانا وده بيعكس على حياتنا الشخصية.
آخر أغاني ساندي
تعد آخر أغاني ساندي هي أغنية الحالة الحالة، وطرحت الأغنية منذ 3 أشهر على موقع الفيديوهات الشهير يوتيوب، والأغنية من كلمات وألحان عزيز الشافعي.
