رانيا فتح الله: أحمد صيام هيبقى الحكيم بتاع الحارة في رمضان كريم 2
تحدثت الفنانة رانيا فتح الله عن دور زوجها الفنان أحمد صيام في الجزء الثاني من مسلسل رمضان كريم، معربةً عن سعادتها بتقديم هذا الجزء بعد مرور 5 أعوام على الجزء الأول من العمل.
وقالت رانيا فتح الله في تصريح خاص لـ القاهرة 24: كل أشخاص مسلسل رمضان كريم توغلوا أكتر في الحارة وبقوا متفاعلين مع أحداثها بشكل كبير، وأحمد صيام بقى الشخص الحكيم بتاع الحارة ودايمًا بيلجئوا له لحل مشاكلهم.
وتابعت رانيا فتح الله كاشفةً رتم الأحداث الخاص بأسرتها في الجزء الثاني من مسلسل رمضان كريم، حيث قالت: خط الأسرة بتاعتي معمول عشان يؤكد على وجود وحدة بين المسلمين والمسيحيين، وإنهم نسيج واحد مش مجرد كلام، دول بيعملوا الفول اللي هو جزء أساسي من سحور المسلمين في الشهر ده، والجزء التاني هيكون تكملة للخط ده.
وأعربت فتح الله عن سعادتها بتنفيذ الجزء الثاني من مسلسل رمضان كريم بعد مرور 5 أعوام منذ عرض الجزء الأول منه، قائلةً: مبسوطة أوي إننا فعليًا بننفذ الجزء الثاني بعد السنين دي، وأنا بحب شخصية نادية جدًا ومرتبطة بها من أول حلقة ومخلياها شخصية اجتماعية أي حد يحبها.
مسلسل رمضان كريم 2
على جانب آخر، يشارك في مسلسل رمضان الجزء الثاني نخبة كبيرة من الفنانين المتميزين، أبرزههم الفنان سيد رجب، نجلاء بدر، سلوى عثمان، سلوى محمد علي، محمد لطفي، أحمد صيام، رانيا فتح الله، عمرو عبد العزيز، بيومي فؤاد، دينا محسن الشهيرة بـ ويزو، وغيرهم، وهو من تأليف أحمد عبد الله، وإخراج سامح عبد العزيز.
