مصطفى كامل لـ القاهرة 24: مفيش خلافات مع ويجز.. واستحدثنا شعبة ذوي الهمم دعمًا لمصر
كشف الفنان مصطفى كامل نقيب المهن الموسيقية، عدم وجود أي خلافات بينه وبين مطرب الراب ويجز، كما أشار إلى أنه أسس شعبة ذوى الهمم بالنقابة دعمًا للبلاد.
وتحدث نقيب المهن الموسيقية عن قرار إقامة شعبة لذوي الاحتياجات الخاصة، وذلك من خلال لقائه مع القاهرة 24، حيث قال: أنا مع التحديث جدًا، شعبة ذوي الهمم كانت أقل رسالة أقدر أقدمها أنا ومجلس الإدارة، دعمًا للي بتقوم بيه البلد، وكان لازم يبقى لينا دور، وأنا بحس بسعادة بالغة لكل طفل أو شاب منهم بييجي النقابة، بحس قد إيه في عينه الفرحة والسعادة.
مصطفى كامل: أي حد من أبناء مصر في مهنة الموسيقى يا أولادي يا أخواتي
واستكمل مصطفى كامل حديثه: مصطفى كامل موجود وبيقدم أغاني وألحان، وأغنيتي الأخيرة زرعة خايبة كانت تريند، من أجمل الأعمال اللي أنا عملتها، ومفيش خلافات مع أي حد من أبناء مصر اللي بيعملوا في مهنة الموسيقى، يعتبروا يا أولادي يا أخواتي، فأنا مليش خصومة مع أي حد خالص، كل اللي طلبوا منهم الانضباط، واللي يخرج عن النص ده موضوع تاني.
مصطفى كامل: حلمي بكر في حالة جيدة.. وبنطمن عليه على طول
واختتم الفنان والنقيب مصطفى كامل حديثه عن الحالة الصحية للموسيقار مصطفى كامل، قائلًا: أستاذ حلمي بكر في حالة كويسة، وخرج من العناية المركزة، وبيستكمل شفاؤه في غرفة عادية وبنطمن عليه.
