محمد صبحي: قليل لما تلاقي كاميرا رايحة لحد محترم.. وهناك جمهور للإسفاف والانحطاط
أعرب الفنان محمد صبحي، عن سعادته الشديدة بنجاح مسرحيته عيلة اتعملها بلوك، كما كشف التعاون مع الفنانة وفاء صادق، مؤكدًا أنه انبهر بصوتها في الغناء.
وتحدث الفنان محمد صبحي عن التعاون مع الفنانة وفاء صادق، وذلك من خلال المؤتمر الصحفي لمسرحيته عيلة اتعملها بلوك، قائلًا: معظم الممثلين اللي دخلوا استوديو مثلوا وغنوا، وفي فرق بين الممثلين والمطربين وده اللي أثبته العرض ده والعرض اللي فات إن المطرب بيبدع أمام الجمهور، في فرق كبير بين الممثل اللي عامل مسرحية وبيغني لأنه لازم يغني بإطار معين، وأنا مبهور بيهم كلهم، وأكتر واحدة مبهور بيها في الغناء هي وفاء صادق، لأنها كانت بتقول لأ ولكن كان لازم تجرب.
وتابع محمد صبحي حديثه عن جمهور المسرح، حيث قال: دايمًا أقول متهاجموش الإسفاف والفن المبتذل بلاش نضيع وقت والأحسن نوجد البديل، وقليل لما الكاميرا تروح للمحترم، ما خلاص اللي طلع تريند طلع، ولكن الجمهور حقيقي واللي بيجي المسرح بيحب الإبداع.
محمد صبحي: أول ما ألاقي إفيه لفظي بين السطور كده ببعد
واختتم الفنان محمد صبحي حديثه عن حبه الكبير وارتباطه بمسرحية عيله اتعملها بلوك، قائلًا: أول ما ألاقي إفيه لفظي بين السطور كده ببعد، ومسرحية عيلة اتعملها بلوك هي أقرب للأعمال الواقعية ده مسرح واقعي، لأن الحياة مش طول الوقت فيها ضحك ولا حزن، والموقف اللي يضحك هو أقوى بكتير من اللفظ والجملة والنكتة.
