هنا يسري: مدخلتش الفن بالواسطة.. وبتفشخر دائمًا بوالدي
أعربت الفنانة هنا يسري، عن بالغ سعادتها بنجاح أغنيتها بنت أبويا، المهداه لوالدها الفنان الراحل إبراهيم يسري، مؤكدة أنها ستظل فخورة دائما بوالدها.
وقالت هنا يسري في تصريح خاص لـ القاهرة 24: مكنش عندي مشكلة إن العالم كله يعرف إن والدي هو إبراهيم يسري بعد طرح أغنيتي بنت أبويا؛ لأن دي أكتر حاجة أنا فخورة بيها وبتفشخر دايمًا بـ ده.
وأضافت هنا يسري: لو حد قال إني دخلت بالواسطة الفن فده مش حقيقي لأني دخلت مجال الفن بعد 4 سنين من وفاته وهو حتى مشافنيش وأنا بغني أو بمثل، وشايفة إن حتى لو الموضوع كان واسطة فـ دي حاجة طبيعية جدًا.
وعن حبها لمجالي الغناء والتمثيل، قالت هنا يسري: أنا بحب المجالين الغناء والتمثيل قد بعض والاتنين شغفي، مفيش حاجة أعلى من التانية، وأتمنى ربنا يوفقني في المجالين بنفس القوة.
وتحدثت هنا يسري عن الأعمال التي شاركت بها منذ دخولها عالم التمثيل حتى هذه اللحظة، قائلةً: أول ظهور ليا كممثلة كان في مسلسل التمانية، وبعدين مسلسل العيلة دي، وآخر حاجة كانت مشاركتي في حكاية في أمل من مسلسل في كل أسبوع حكاية، وأنا لسة متخرجة من الجامعة السنة اللي فاتت فـ لسة ببدأ مشواري.
حكاية في أمل
على جانب آخر، شاركت هنا يسري مؤخرًا في حكاية في أمل ضمن مسلسل في كل أسبوع حكاية، والذي شارك بها كل من: الفنان محمد الكيلاني، كارولين عزمي، محمد مولى، شهد الشاطر، وآخرين.
