منة فضالي تخرج عن صمتها وتكشف مفاجأة بشأن مساعدتها: مظلومة وكفاية أمها ماتت
خرجت الفنانة منة فضالي عن صمتها، ودافعت عن مساعدتها ابتسام فوزي، والتي كانت تعمل مؤخرًا مع الفنانة دينا الشربيني التي اتهمتها بسرقة مجوهراتها، مؤكدة أنها مظلومة.
وقالت منة فضالي في فيديو عبر حسابها بموقع إنستجرام: المساعدة كويسة، وخرجت بالسلامة، وأنا تواصلت مع دينا الشربيني، ودينا جميلة وأنا بحبها على المستوى الشخصي وممكن حد يكون عمل المشكلة دي في الاتنين، وهي مشكورة راحت وطلعت المساعدة.
وأضافت: المساعدة بتشتغل مع دينا من سنين وهي مساعدتها الرئيسية، والبنت مظلومة ما أقدرش أقول أكتر من كده وممكن يكون حد عمل كده عشان يقطع عيشها مع دينا أو لأسباب تانية.
وأكملت منة فضالي: الست كويسة وكفاية إنها فقدت أمها أغلى حاجة عندنا كلنا، فما ينفعش نجرح في الناس ونقول إنها حرامية فيه ساعات كلام بيتكب ما بيكونش صح، والست اشتغلت معايا سنين وعمري ما شفت منها حاجة وحشة.
وواصلت حديثها قائلة: أنا مشيت المساعدة لأنها كانت شغالة مع أكثر من حد، وأنا محتاجة حد متفرغ لشغلي لأن لما بيكون حد شغال مع كذا فنان بيكون فيه لخطبة شوية، وأنا واحدة بخاف على شغلي، فطبيعي وحقي وقلت لها ربنا يسهلك.
أزمة مساعدة منة فضالي
واختتمت منة فضالي حديثها قائلة: رجاء ماحدش يجرح في حد بس مش أكتر وما أفتكرش أني جرحت في حد قبل كده وماليش دعوة بحياة الآخرين، لكن ليا اشتغل والناس اللي معايا يكونوا مريحيني.
ويُشار إلى أن اللجنة النقابية المهنية للعاملين بصناعة السينما والأفلام، قررت شطب ابتسام فوزي مساعدة منة فضالي ودينا الشربيني، وعدم ضمها كعضوة في النقابة مرة أخرى تحت أي ظروف، وذلك على خلفية واقعة سرقة مجوهرات الفنانة دينا الشربيني.
وكانت جهات التحقيق قررت إخلاء سبيل ابتسام فوزي بعد اتهامها بسرقة مجوهرات الفنانة دينا الشربيني عقب تنازل الفنانة، بعد القبض عليها أثناء محاولة بيع كمية من المشغولات الذهبية إلى أحد المحال بمنطقة الجمالية.
