الإعلامي سعيد جميل يفتح ملف مقترحات تعديل قانون الأحوال الشخصية في برنامج أنا سعيد
يناقش الإعلامي سعيد جميل، ملف مقترحات تعديل قانون الأحوال الشخصية، خلال حلقات برنامجه الجديد أنا سعيد، المذاع عبر قناة القاهرة والناس، والمقرر إذاعته يوم الثلاثاء والأربعاء المقبل في تمام الساعة الحادية عشر مساءً.
ويستعين سعيد جميل ببعض الحالات التي تعرضت لضرر وتعاني بعد الانفصال، ويقول أحد الحضور: بقالي 9 سنين مشوفتش ولادي، بينما قال آخر: والدي كان بيغسل كلى 5 سنين، وكان نفسه وأمنية حياته يشوف أحفاده ومات من غير ما يشوفهم.
وقال آخر: هو الأب ده نكرة!؟، أنا بنتي كانت بتشتمني زي أمها، فيما انهارت سيدة من البكاء داخل الاستوديو، لحظة حديثها عن زوجها السابق، إذ قالت: اتقي الله في ابنك.. حرام عليك.
وكان كشف سعيد جميل، أكثر الحالات التي تأثر بها في برنامجه، إذ قال خلال ندوته بـ القاهرة 24: جمعية أرامل مصر أكثر حاجة تأثرت بيها، هي جمعية بتضم 2 ونص مليون راجل مصري، وفي ظل القانون الحالي، الراجل ترتيبه في الحضانة رقم 12، والجمعية دي عشان أبسطها هي جمعية للراجل اللي مراته بتتوفى، والحضانة بتنتقل لـ حماته وبيسيب البيت علشان بيبقى ماسكة الحاضنة، ولما استضفت الناس دي لقيتهم شريحة كبيرة في المجتمع.
تصريحات سعيد جميل
كما تحدث خلال اللقاء عن معاناة الرجل، بعد الانفصال، معللًا: راجل طلع في برنامجي وبكى بحرقة، وقال إحنا بنتعامل زي الحيوانات، مراتك تموت.. يتاخد منك عيالك ويتاخد منك بيتك، ومتعرفش تشوف حاجة، والحمد لله بعد عرض الحلقة المواد الخاصة بمناقشة القانون الجديد، مكنش فيها موضوع ترتيب الرجل في الحضانة، الحمد لله الراجل بقى رقم 2 بعد الزوجة.
