ياسمين غيث تُعلن خضوعها لعملية جراحية: الورم أكبر من إنه يتشال بمنظار
أعلنت الفنانة ياسمين غيث خضوعها لعملية جراحية دقيقة، بعد إصابتها بـ السرطان في الفترة الماضية، حيث أشارت إلى أن الورم الذي تعاني منه أكبر من أن تتم إزالته بـ المنظار، لذلك سوف تخضع للجراحة ليتم إزالته.
وكتبت ياسمين غيث منشورًا، عبر حسابها الشخصي بموقع التواصل الاجتماعي فيس بوك، قالت فيه: يا رب اللهم خير لي واختار لي، يا رب نجيني وهونها عليا، واشفيني واشفي كل مريض، خلاص الدكاترة أجمعوا إني لازم هعمل العملية قريب، وهتكون open chest مش منظار، حجم الورم أكبر من إنه يتشال بمنظار.
وتابعت ياسمين غيث: ربنا اختار لي ده، وأنا راضية والله بس أنا خايفة، هقول لكم قبلها بإذن الله، ادعولي كتير، ألف حمد وشكر ليك يارب على كل حال.
وفي سياق آخر، أصيبت ياسمين غيث بالسرطان في السنوات الماضية، ومازالت تصارع المرض حتى الآن، وكانت تحدثت ياسمين من قبل، عن معاناتها مع المرض، إذ قالت عبر حسابها الشخصي بـ فيس بوك: الحمد لله 5 سنين سرطان، حياة على كف عفريت، زي ما بيقولوا لمدة 5 سنين، اللي اتقالي إن أول 5 سنين critical، ولازم نتابع علشان السرطان ميرجعش، لسه مش مصدقة، مش عارفة حصل إزاي.
مرض ياسمين غيث
وتابعت ياسمين: سنين صعبة وعدوا بصعوبة، ولسه لغاية دلوقتي بفتكر وبنهار، وبحلم بكوابيس أنه رجع تاني، وبصحى أصرخ وأعيط وأقول مش عايزة يحصل لي كدة تاني يا رب، بخاف وبعمل فحص كل 6 شهور، كل مرة نفس الإحساس ونفس الخوف.
