شهيرة: عندي فوبيا من متحورات كورونا.. وأنتظر عملا قويا للعودة إلى الفن
قالت الفنانة شهيرة إن لديها فوبيا من متحورات كورونا، وهذا الأمر السبب في ابتعادها عن مجال التمثيل، مشيرة إلى أنها تنتظر سيناريو قوي للعودة للساحة الفنية.
وأضافت شهيرة في تصريح لـ القاهرة 24، إنها يُعرض عليها أعمال كثيرة ولكنها لم تجد السيناريو القوي لتعود للساحة الفنية، معلقة: الرجوع بعد مدة طويلة بيكون في مشكلة.. ولازم أختار عمل يكون قوي.
وتابعت شهيرة: لازم أول حاجة يكون العمل مختلف وبيقولولي خلي عمرو ابنك يكتبلك حاجة.. بس أنا عندي فوبيا من متحورات كورونا وكل ما أقول خلاص هرجع للتمثيل ألاقي ظهر تطورات تانية في موضوع كورونا.
وأضافت: مش هقدر مثلًا أنزل أشتغل وأنا متوترة أو قلقانة إن العدوى تتنقل ليا.. أو يكون اللي حواليه مش لابسين كمامات.. وأنا مش هقدر أحكم على اللي حواليه بالنسبة للعمال.. وده أكثر شيء يبعدني عن الفن.
أمنية شهيرة في عيد ميلادها
وعلى جانب آخر، كشفت شهيرة عن أمنياتها في عيد ميلادها خلال تصريح لـ القاهرة 24: أتمنى بلدنا تكون بخير وتعدي الأزمة اللي بيمر بها بلاد العالم كلها.
وأضافت شهيرة: مشتاقة لـ محمود ياسين جدًا وبعد ما مشي مفيش حاجة ليها طعم.. ممكن نتعايش مع طقوس ومناسبات وأعياد.. ولكن ملهاش طعم وبقيت عادي.
وتابعت شهيرة: مش فاكرة آخر هدية محمود جبهالى لكن دائمًا كان في عيد ميلادي يديني فلوس ويخليني أجيب هدية بنفسي.. وهو كان كريم جدًا.
