تامر عاشور: عملت ألبوم باسم بنتي أيام.. وبعيش الأغاني قبل ما أقدمها
كشف المطرب تامر عاشور تفاصيل عن حياته الشخصية لأول مرة، مشيرًا إلى أنه منفصل منذ 3 سنوات، بجانب الحديث عن أغنيته الجديدة بحبك وخايف.
وقال تامر عاشور خلال لقائه في برنامج أجمد 7 على نجوم إف إم: أنا كنت متجوز وانفصلت بقالي 3 سنين وعندي بنت اسمها أيام وطرحت ألبوم باسمها لأنه اسم مميز ومفيش اسم طفلة زيه، وأنا فعلا بعتبرها حالة فريدة في دنيتي.
وواصل تامر عاشور: أنا بحب أعيش الأغاني قبل ما أقدمها للجمهور، خصوصا إني أكتر حاجة ممكن تأثر فيا لما أبعد عن شخص بحبه وعشان كدا بتكلم عن الحب عموما لأن مفيش حد وقت الانكسار بيفضل قوي زي ما هو وكمان إحنا بطبعنا كـ مصريين بنحب الدراما سواء في التلفزيون أو السينما والأغاني.
كما تطرق تامر عاشور للحديث عن أغنيته الجديدة بحبك وخايف، قائلا: أغنية بحبك وخايف بتجسد مواقف كتير في الحياة، وكلامها شدني رغم أنها فيها كلمات صعبة، وأنا دايما بحب أركز في الأغنية واللحن وهل هتكون لايقة عليا ولا لا؟ لأن أحيانا الأغنية ممكن تيق على مطرب تاني غيري.
أغنية بحبك وخايف
ومن ناحية أخرى، يعيش تامر عاشور حالة من النشاط على المستوى الفني، حيث طرح العديد من الأغاني التي حققت نجاحًا كبيرًا، كان آخرها أغنية بحبك وخايف من تأليف محمد شافعي، وألحان إسلام رفعت، وتخطت الأغنية حاجز الـ 800 ألف مشاهدة منذ طرحها على موقع يوتيوب في فترة بسيطة.
