هاني رمزي: مفيش بديل لـ حسن حسني ومقارنة بيومي فؤاد بيه ظالمة
تحدث الفنان هاني رمزي عن علاقته بالفنان الراحل حسن حسني، مؤكدًا أنه لا يوجد بديل له منذ رحيله، مُشيرًا إلى أن مقارنة الفنان بيومي فؤاد بالراحل حسن حسني ظالمة لـ بيومي فؤاد.
وقال هاني رمزي في تصريحات تليفزيونية: ولا فنان موجود يحل مكان حسن حسني، وفيه ناس كده مش هعرف استوعب بديل لها ومكانه سايب فراغ كبير جدا، وكان بيفنن في أي مكان ويسد في كل حتة.
وتابع هاني رمزي أن الراحل حسن حسني كان فنانًا عالميًّا وكان ينبهر بوقفه بجانبه، معلقًا: لما كنت بقف جنب حسن حسني كنت ببص له إيه العظمة دي والأداء ده، ويقدم الشخصية كما يجب أن تكون ونوعيته قليلة بمعنى الكلمة، وصعب جدًا غبي منه فيه يتعمل من غير حسن حسني وممكن نعمل امتداد فقط.
ورفض الفنان هاني رمزي اعتبار بيومي فؤاد بديل لحسن حسني، قائلًا: بيومي فؤاد مش بديل لحسن حسني ولكن هو له شخصيته وطباعه وأسلوبه في الكوميديا، وظلم لبيومي يروح لمنطقة حسن حسني، وكويس إنه محافظ على نفسه في منطقة وحتة معينة.
هاني رمزي: أنا مع عدم منع أغاني المهرجانات
أكد الفنان هاني رمزي في تصريحاته أنه ضد منع أي نوع من أنواع الفن، مُشيرًا إلى أنه ضد منع أغاني المهرجانات، موضحًا: أنا مع عدم منع المهرجانات واللي مش عجبه ميتفرجش إنما حد يمنع فن وإبداع أنا ضده، وخلي الكل يعمل اللي عايزه وأنت كجمهور نقي والمواطن هو اللي يختار وبسمع المهرجانات وأكتر مطرب بحبه عمر كمال.
