دعاء فاروق: بصحى أدور على حد أديله صدقتي.. وبشتغل عند ربنا وبيرزقني
كشفت الإعلامية دعاء فاروق أهمية الصدقات التي تعطى للفقراء وللمحتاجين، مؤكدة أنها من أجل الله فقط، وليس لشيء آخر.
ونشرت الإعلامية دعاء فاروق مقطع فيديو عبر حسابها الشخصي بموقع، انستجرام، تتحدث فيه عن الصدقات التي تقدمها للمحتاجين، قائلة: بنطلع صدقات عشان إحنا محتاجين؛ لأننا بنتوسل لربنا بالصدقة وبصحى الصبح أدور على حد أديله صدقتي عشان أفك كربي، مش هو اللي يدور عليا، وأنا معرفش أنا بشتغل إيه واللي أعرفه إني بشتغل عند ربنا وهو بيبعتلنا رزقنا بأي وسيلة، وممكن يكون قليل وفيه بركة، وخزائن ربنا لا تنفذ، وملهاش علاقة بخزائن الناس الضعيفة المليونيرات.
دعاء فاروق تعلق على ردود أفعال غير لائقة على منشوراتها
وفي وقت سابق، أعرب الإعلامية دعاء فاروق عن استيائها الشديد من ردود أفعال غير لائقة على منشوراتها، حيث قالت عبر حسابها الشخصي بموقع التواصل الاجتماعي فيس بوك: عشان نبقى على نور يا جماعة ومفيش ست تدخل تلاقي جوزها بيتهزأ عندي فتزعل.. أي راجل هيدخل يعلق بطريقة غير لائقة ويمصمص لي شفايفه على أي صور لصديقاتي أو أخواتي أو صوري أو شكلي الراجل اللي هيفتحها ويبص عليها ويبدأ يلت ويعجن وينظر على شكل أو حجاب أو لبس هيتهزأ قدام أمة لا إله إلا الله.
وتابعت: ملكش حكم غير على أهل بيتك وممنوع تدخل تنطق بحرف لا حلو ولا وحش في الحالتين بعمل بلوك.. اللي بيتغزل أو بيقول كلام مايع بيتهزأ ويتعمله بلوك زيه زي اللي بينظر ويدخل يحاسبني إني بتاعت البرامج الدينية.
