حجاج عبد العظيم: الكافيه بتاعي اتسرق في نهار رمضان.. وهذا سر حبي للطبخ
حل الفنان حجاج عبد العظيم، ضيفًا على الإعلامية ياسمين عز في برنامجها كلام الناس المذاع عبر قناة mbc مصر.
وتحدث حجاج عبد العظيم عن واقعة تعرضه للسرقة في نهار رمضان، قائلًا: الكافيه بتاعي اتسرق في نهار رمضان الساعة 7 الصبح، والشاشات كلها اتشالت واللاب توب، ولما شفنا الحرامي في الكاميرا كما لو كان بيطلع لي لسانه، وبينقل الحاجات زي ما يكون بينقل عفش بنت خالته ويروح يودي في العربية ويرجع، ولحد النهارده نفسي أشوفه وأقول له جبت الجرأة دي منين.
حجاج عبد العظيم يكشف سر إتقانه الطبخ
إلى جانب ذلك، تحدث حجاج عبد العظيم عن حبه للطبخ ومهارته في طبخ العديد من الأكلات، مشيرًا إلى أنه تعلم الطبخ منذ صغره بفضل والدته، قائلًا: من صغري كنت بشوف والدتي تطبخ إزاي واتعلمت منها حاجات كتير، ولما قعدت لوحدي وأنا بدرس في بورسعيد بدأت أطبخ لنفسي، ولما أتجوزت نقلت ده لزوجتي.
وكشف حجاج عبد العظيم عن وصفة سحرية للسمك بحسب وصفه، قائلًا: بتنضفي السمكة وتاخدي الكمون والليمون وتحطيها على الخياشيم بتاعتها، وبتحطيها في الدقيق وبعدها تقليه في السمك، وبتجيبي توم وزيت وتحمريهم وتضفي عليهم خل وبعدها تطشيهم على السمك بيتشبع ويبقى صوته دافي.
وعاتب حجاج عبد العظيم ياسمين عز، قائلًا: أنا ما كنتش جاي البرنامج وزعلان جدًا منك، لأنك الحلقة اللي فاتت ناشدتي بإنشاء حلويات على اسم الرجل، وقلتي صابع محمد وودن علي ومناخر أبو أحمد، فين صلعة حجاج، دي حتى تبقى مساحة كويسة للشمع.
مراتي وأنا نازل قالت لي أتفضل الشراب يا منقرع
وأضاف: مراتي وأنا نازل قالت لي اتفضل الشراب يا منقرع، قلت لها إيه! قالت أه ما أنت فرعون بقى مش في خفرع ومنقرع.
