كنت مدمن سوشيال ميديا.. محمد دياب يكشف عن أمنيته: نفسي أتبنى طفلًا وفهمت علاقتي بربنا أكتر بسبب ولادي
تحدث المخرج محمد دياب عن بعض تفاصيل حياته الشخصية وتجربته مع هوليوود، وذلك خلال وجوده في برنامج AB talks.
محمد دياب: كنت مدمن سوشيال ميديا وعرفت أتحرر منه
وأشار محمد دياب إبلى أثر السوشيال ميديا السيئ على المجتمع قائلا: الحمدلله، في الوقت ده عارف قيمة الأسرة، وساعة الثورة كنت مدمن سوشيال ميديا، وكنت بصحى 3 الفجر عشان أعرف البوست جاب أد أيه، وحمدلله مع الوقت تحررت من أسر السوشيال ميديا التافه، وألي بيدمر حياتك من غير ما تحس.
وأضاف: أما تكون إنسان بسيط، وملكش دعوة بحد بتبقا حاجة كويسة، وقعدت أعيط أما نجحت وقدرت أثق بنفسي وقدراتي، وبحب احساس اني بالنسبة لبعض الناس كويس وبالنسبة للبعض التاني ولا حاجة.
كما تحدث محمد دياب عن الدعم الذي تلقاه من زوجتة خلال مشواره لتحقيق حلمه قائلًا: سارة زوجتي نصفي التاني، ونفسي أردلها الجميل، وإن شاء الله بنعملها أول فيلم ليها، وهيكسر الدنيا، وهي مخرجة عظيمة جدا، واتعلمت حاجات كتير من ولادي، وعلاقتي معاهم خلتني اتعاطف مع البشرية بشكل أكبر، وما كونش أناني، وخلوني نفسي أتبنى طفل، وعاوز أدخل التجربة ديه وأحب حد ماليش علاقة بيه، وحسيت أني فهمت علاقتي بربنا أكتر من خلال علاقتي مع ولادي.
وتابع: ونفسي أكون متعاطف أكتر، وقلبي ما يكونش قاسي، ورسالتي لأولادي سيبوا أثر جيد في الحياة، وخلي عندكم إيمان، وافتكرا ربنا، ودكتوري النفسي كان علاقتي بربنا، وجنة الحياة إن علاقتك بربنا تكون كويسة.
أعمال محمد دياب
يعد مسلسل Moon Knight، كان آخر أعمال محمد دياب، الذي حقق نجاحًا كبيرًا، والتي تدور أحداثه حول، المرتزق مارك سبكتور، الذي ينقذ حياته من خطر محقق اﻹله خونشو، إله القمر لدى المصريين القدماء، بينما يتعامل مارك مع شخصية أخرى داخل جسده تُدعى ستيفين جرانت، ويدخل بطل المسلسل في صراع كبير مع الإلهة ماعت عند المصريين القدماء التي تتجسد في التمساح ليحاول التغلب عليها والنجاة بحياته.
