زوج علا غانم: بقى لنا 18 سنة متجوزين وبقولها حرام السنين اللي عشناها تروح كده
وجه رجل الأعمال عبد العزيز حسن، رسالة لـ زوجته الفنانة علا غانم، بعدما نشب العديد من الخلافات بينمها في الفترة الأخيرة، وطلبها الانفصال عنه ورفعها قضية خلع وتعديها عليه بالضرب على حد قوله.
وقال زوج علا غانم، في لايف مع القاهرة 24، أنه على الرغم من حبه الكبير لها إلا أن هذا لا يعني عودتهم مرة أخرى، موضحًا: إحنا متجوزين بقالنا 18 سنة وعمر ما حصل بينا خلاف، بقولها حرام السنين اللي عشناها مع بعض تروح كده، ومش معنى كده إني هرجع ليها تاني.
وتابع زوج علا غانم: أنا طول عمري بحب علا من يوم ما شُفتها، وبقول أمام الناس كلها إني لسة بحبها ومش عايزة أضرها في أي حاجة وبعتلها رسائل كتير جدًا إن حرام وعيب وتعالي نتكلم ولكن اللي حوالين علا مأثرين عليها، وبعد كل ده أنا لسة بحبها، ومهما عملت فيا لسة بحبها.
زوج علا غانم: علا بتتخانق 24 ساعة وعندها عدم اتزان
وأضاف رجل الأعمال عب العزيز حسن، زوج الفنانة علا غانم، أنها لا تستطيع التحكم في انفعالاتها، موضحًا: علا بتتخانق 24 ساعة وهي عصبية جدًا وعندها عدم اتزان وقت عصبيتها ومبتعرفش تسيطر على نفسها، وكنت متقبل كل ده لأني بحبها، وأنا قلتلها إنتي آخر بختي وهي قالتلي أنت آخر بختي، وكل اللي كنت عايزه إني كنت أعيش الكام سنة اللي فاضلين من عمري في سعادة وخلاص، ولكن والدتها تدخلت في كل حاجة والموضوع بقى صعب جدًا وخلت بنتها تزعل مني.
