مخرج فيلم الحب بتفاصيله: محمد نور هو من رشحني للعمل.. وكان يحلم بالبطولة منذ سنوات
كشف المخرج محمد حمدي، كواليس التعاون مع الفنان محمد نور في فيلم الحب بتفاصيله، مؤكدًا أنه لم يواجه صعوبات في تصوير العمل.
وقال المخرج محمد حمدي، في تصريح لـ القاهرة 24، عن فيلم الحب بتفاصيله: فيلم كوميدي، لايت، غنائي، أول فيلم بطولة لـ محمد نور، محمد نور له تاريخ محترم في الغناء، ناجح ولديه خبرة جيدة جدا، ولكن من زمان كان نفسه يخوض تجربة سينما، ويكون بطل فيلم لعمل سينمائي.
وتابع محمد حمدي حديثه عن التعاون مع الفنان محمد نور في فيلم الحب بتفاصيله، إذ قال: أشكر محمد نور لأنه من اختارني لإخراج الفيلم، خاصة أني أتحمل مسئولية الفيلم الخاص به، وأول تجربة له ومعانا ملك قورة، أنا بشوفها كوميدية مفاجأة، يعني الناس هتتفاجئ بـ ملك، ومجموعة كبيرة من نجوم الفن.
وأردف المخرج محمد حمدي في حديثه: الفيلم بسيط، يعني مفيش صعوبات زي نوعية الأفلام اللي عملتها قبل كده، أبسط وأسهل بكتير، والناس محترفة ومجتهدة، يعني الحمد لله مكانش في صعوبات، لكن الصعوبة الوحيدة اللي بشوفها هي اختيار أو تأخير معاد العرض بسبب خطط التوزيع.
وعن المنافسة مع فيلم أنا لحبيبي، قال المخرج محمد حمدي: المنافسة موجودة ودي أحلى حاجة، أن يكون قدام الجمهور كذا حاجة، إحنا في إجازة نص السنة، فيقدروا يشوفوا فيلم أو أكثر.
محمد حمدي يكشف أعماله الفنية المقبلة
واختتم المخرج محمد حمدي حديثه عن أعماله الفنية المقبلة، حيث قال: اللي جاي إن شاء الله أعمال دراما تلفزيونية، أدوار حواديت قصيرة مكونه من5 حلقات، وهتكون عبارة عن سلسلة فيها أكتر من حدوتة إن شاء الله.
