محمود الليثي: حجيت 4 مرات وقبل ما أغني بقرأ قرآن وبقول للراقصات اللي معايا يلبسوا مقفول شوية
تحدث المطرب محمود الليثي عن الجانب الديني في حياته، مشيرًا إلى أن والده شيخ ورباه على الصلاة والخوف من تركها، كما أن حياة النجومية لم تؤثر على علاقته بربه وحرصه على الصلاة في أوقاتها وقراءة القرآن.
وقال محمود الليثي خلال استضافته في ندوة بموقع القاهرة 24: إحنا في نعمة كبيرة إننا اتخلقنا مسلمين، وأنا اتربيت في بيت بيسألوا عن الصلاة والتحذير من تركها، وكنت حافظًا لكتاب الله.
الفن نعمة ربنا أعطاها لي
ورتل الليثي خلال الندوة آيات من سورة الضحى بصوت عذب، مؤكدًا أن النجومية لم تؤثر عليه: الفن نعمة من ربنا أعطاها لي، ولم تؤثر عليا، بالعكس أنا حجيت 4 مرات وقبل ما بغني أو أطلع على المسرح بقرأ قرآن، لأن زي ما بيقول كتاب الله ألا بذكر الله تطمئن القلوب.
وأضاف المطرب الشعبي: بالنسبة لي السعودية أهلهم فوق رأسي لأنها أرض التوحيد، وفيها بيت ربنا وعرفة، البقيع اللي فيه أشرف خلق الله، وأنا مقتنع إننا ضيوف على الدنيا، والحمد لله حافظ القرآن.
واستكمل: ما أعرفش أنام غير في الضلمة وتكون الدنيا عتمة علشان كده جوايا لازم يكون فيه ربنا، ومفيش حد أقوى من ربنا ولازم الناس تعرف أن كل حاجة معمولة في الدنيا معمولة قبل كده.
وأكد الليثي أنه يحرص خلال أدائه الصلاة على الخشوع الشديد، حتى أنه ينحي رأسه بين التسليم، قائلًا: لازم راسك تنحني بعد السلام أنا بصر أن أحني رأسي أو حتى أكسرها تحت ملكوت ربنا لأن ده الخشوع واليقين أن الله ملك الملوك.
بقول للراقصات اللي معايا يلسبوا معقول شوية
ورد محمود الليثي على انتقاد حرصه على ظهور الراقصات معه في الكليبات التي يقدمها قائلًا: بقول لهم يلبسوا مقفول شوية، وللأسف السوشيال ميديا دمرت الجرأة والحياء، بقول للراقصة لو لبستي عريان هتضيفي إيه للغنوة، وفي النهاية هي بتقدم حركة استعراضية وفيه ناس بتطلب ده، لكن بعد التصوير ولا كأني أعرفها.
