تارا عماد: اتخرجت بعد 8 سنين.. بس مكنتش فاشلة
كشفت الفنانة تارا عماد تفاصيل تخرجها من الجامعة بعد 8 سنوات من الدراسة في كلية الفنون التطبيقية، موضحة أنها لم تحضر حفل التخرج بسبب انشغالها في العمل، وحزنت كثيرًا لأجل ذلك.
تفاصيل تخرج تارا عماد
وأضافت تارا خلال حوارها ببرنامج معكم منى الشاذلي على قناة cbc، أنها أنهت دراستها الثانوية عام 2012، ثم جلست لمدة عامين في إجازة من الدراسة، حرصت خلالها على السفر والعمل، قائلة: أخدت سنتين إجازة، كنت بسافر أوروبا باخد ورش تمثيل وغيره وبعمل موديلينج، كنت بشتغل لحد ما قررت أنا عاوزة أدرس إيه.
وتابعت تارا: دخلت الجامعة في 2014 فنون تطبيقية 5 سنين.. بس أنا أخدتها في 8 سنين، مش عشان أنا فاشلة أو بسقط.. هي كلية خطيرة وحلوة وبجد اتعلمت حاجات كتير أوي.. بس مشكلتها إنها كانت كلها حاجات عملي، وأنا شغلي كان أولوية ومشغولة فيه.. وكنت محتاجة أخلص الجامعة مش عشان حد بيقولي أنا محتاج شهادة أو فارضين عليا شهادة.. فكنت واخداها على مهلي.
وأوضحت تارا عماد أنها نسيت حضور حفل التخرج الخاص بها، إذ انشغلت بالعمل، وحينما أرسلت إليها الجامعة إيميلا بموعد الحفل لم تلاحظه سوى بعد شهر من إقامة الحفل، مضيفة: اتوجعت لما ده حصل عشان مامتي كانت مستنية اللقطة دي.. فكلمتها وكنت بعيط.. بس بعدها بكام يوم تجاوزت الأمر ونشرت صورتي بلبس التخرج برضو.
