غادة إبراهيم: أديت العمرة الأولى في 5 ساعات لأني مكنتش عارفة المناسك
كشفت الفنانة غادة إبراهيم تفاصيل أدائها لمناسك العمرة للمرة الأولى في حياتها، مؤكدة أنها أدت العمرة الأولى في 5 ساعات.
وتحدثت الفنانة غادة إبراهيم عن تواجدها لأداء مناسك العمرة في المملكة العربية السعودية، خلال تصريحات خاصة لـ القاهرة 24، قائلة: الحمد لله رب العالمين، ربنا استجاب لدعائي ونولهالي، أول مرة في حياتي أجي السعودية، والحمد لله ربنا حققهالي إني أعمل عمرة، طاقة وراحة نفسية، وراحة إيمانية جميلة، والناس جميلة ومبتسمين، والروح حلوة، وكل الناس تقريبًا بتعمل العمرة في ساعة أو ساعتين كحد أقصى، أنا عملتها في 5 ساعات علشان أول مرة، ومحستش بتعب، حاجه طاقة جميلة، يا رب يكتبها لحد ولكل الناس اللي نفسها تعمل عمرة، وربنا ينولها لكل مشتاق، أول مرة ليا بجد بس حبيت المكان.
وتابعت الفنانة غادة إبراهيم: المفروض أطلع الفجر المطار، والله ما عايز أمشي، حبيت المكان، وكل الجنسيات متواجدة في السعودية، ومصورة أفواج من كل الجنسيات العربية والأوروبية، ودي أول مرة ليا ومش آخر مرة ليا، ويارب ينولني الحج.
واختتمت غادة إبراهيم حديثها عن سبب الوقت الطويل الذي اتخذته لإجراء العمرة الأولى لها، حي: خدت العمرة الأولى في 5 ساعات علشان مكنتش عارفة لسه المناسك، والناس اللي معايا مكنتش عارفة، وقعدت اسأل، لما سألت وعرفت العمرة التانية لوالدي خدتها أسرع، وتعبت شوية في العمرة الأولى علشان مكنتش عارفة المناسك والعبادات والصلوات، وبين الصفا والمروة، والعمرة التانية عملتها بسلاسة رجلي خدت وحفظت.
