الراقصة دينا: ابني كان مريض فرط حركة وبيدرس في فرنسا وهيطلع طباخ.. وبيتمنى يبقى في نجاحي
كشفت الراقصة دينا عن مرض نجلها علي، بـ ADHD وما يُعرف بـ اضطراب نقص الانتباه مع فرط الحركة، مؤكدة أنه كان يدرس في مدرسة بالولايات المتحدة الأمريكية استطاعت التعامل بشكل صحيح مع مرضه، كما أنه يدرس بالوقت الحالي في جامعة بـ فرنسا.
وقالت الراقصة دينا، خلال حوارها مع الإعلامية لميس الحديدي في برنامجها كلمة أخيرة، أن نجلها علي فخور بها ويتمنى أن يحظى بنجاحها، موضحة: ابني سافر برا علشان عايزاه يدرس أحسن ويعيش حياة صحية أكتر، ودلوقتي هو عرف يعني إيه فن ويعني إيه رقص، وهو فخور بيا وبيتمنى يبقى في نجاحي، هو كل حياتي ونسخة مني وأنا كنت شقية زيه.
وتابعت دينا: ابني علي كان عنده اضطراب نقص الانتباه مع فرض النشاط وكانوا عايزين يحطوا مُدرسة خاصة ليه، ووالدتي رفضت وقالت يدخل مدرسة في أمريكا أحسن له.
وأضافت الراقصة دينا: دلوقتي ابني في جامعة في فرنسا هيطلع طباخ، ونفسي إنه يرجع وربنا يوفقه، مش بتدخل في حياته ومن بعد ما كمل 21 سنة وأنا صامتة، وبقالي شوية مش بتخانق معاه وباخد نفسين لأني هخسر في خناقتي معاه.
الراقصة دينا: اتجوزت 9 مرات وده رقم قليل
كما كشفت الراقصة دينا خلال اللقاء عن عدد الزيجات حياتها، موضحة أنها تنافس الفنانة تحية كاريوكا في عدد الزيجات، قائلة: أنا أتجوزت 9 مرات والرقم ده قليل، الست تحية كاريوكا كانت عظيمة وأتجوزت 13 مرة وأنا بتنافس معاها.
