السيسي: قولت لأخويا الشيخ محمد بن زايد ساعدوا سوريا عشان خاطر ربنا
حرص الرئيس عبد الفتاح السيسي، رئيس الجمهورية، على ذكر حجم الدعم الذي تقدمه دولة الإمارات للشعب السوري، جراء أزمة الزلزال ضرب البلاد الأسبوع الماضي، بقوله: امبارح كنت قاعد مع أخويا الشيخ محمد بن زايد رئيس دولة الإمارات، وقولتله هطلب منك طلب، متابعًا: قولتله سوريا عشان خاطر بنا، ساعدوا سوريا.
وأضاف السيسي خلال كلمته بالقمة العالمية للحكومات 2023: الشيخ محمد رد وقالي إحنا بنبعت 8 طائرات كل يوم، قولتله أكتر، ممكن الشعب الإماراتي يزعل من ده؟ ممكن، بس أوعوا تزعلوا أبدًا، بالعكس تفتخروا وتتشرفوا وتسعدوا إن إنتم عملتوا ده وبتعلموا ده.
كلمة الرئيس السيسي خلال قمة الحكومات 2023
كما حرص السيسي على سرد موقف دعم قدمه الشيخ محمد بن زايد رئيس دولة الإمارات العربية المتحدة لمصر، قائلًا: الشيخ محمد بن زايد هيزعل مني بس الكلام ده بقوله للشعب الإماراتي ولأي حد يحب يسمع عن دعم الأشقاء، مضيفًا: الشيخ محمد بن زايد جاء لزيارة مصر، وأول مرة هشوفه، كان ساعتها الناس بتقف في مصر بالطوابير ومفيش بوتوجاز، غاز، بنزين وسولار.
وتابع: أنا بفكر الناس في مصر قبل ما بفكر نفسي، والناس اللي هنا كمان في الإمارات، إن الشيخ محمد بن زايد جه ومعاه وفد وعارف إيه المطلوب، مش أنا اللي قلتله، والله العظيم ما قلتله، بصيت لقيت السفن بتتحول من البحر المتوسط للبحر الأحمر فيها البوتجاز والغاز والسولار والبنزين، بفكر نفسي وبفكر اللي عاوز يفتكر، ده كان أول نقطة مضيئة، والشيخ محمد نظّم مع الأشقاء الدعم اللي هيتقدم لمصر، ولولاه ما كانت مصر وقفت من تاني.
