زينة: قولت إن نور الشريف تمثيله وحش.. وأنا أجمد من إني أعمل بروفات ترابيزة معاه
كشفت الفنانة زينة تفاصيل تعاونها مع الفنان الراحل نور الشريف في مسلسل حضرة المتهم أبي، مؤكدة أنها قالت عليه ممثل سيئ.
وتحدثت الفنانة زينة عن تعاونها مع الفنان الراحل نور الشريف في مسلسل حضرة المتهم أبي، وذلك من خلال لقائها في برنامج صاحبة السعادة، التي تقدمه الفنانة إسعاد يونس، حيث قالت: نور الشريف بيقولي كان نفسي أقول بنت علشان أعمل دور زي ده، وخدت فيه جوائز كتير جدًا، وهو كان بيقولي هتاخدي جوايز من هنا، على حسب لو اجتهدتي في الدور، وبقيت أقول إني الراجل بيقولي ده علشان أعمل الدور كويس، كنت في أولى جامعة وكنت عملت حالة حب، وسيد العاطفي، وظاظا، بعد نور الشريف الطريق اتفتح،الموضوع بالنسبالي كان مختلف، علشان كنت جرئية، والحقيقة غير ده.
وتابعت زينة: واللي رشحتني الأستاذة رباب حسين، وهي بتحبني أوي، وهي نفس يوم ميلادي، كانت صاحبتي، وقالتلي أنا مرشحاكي في الدور، وقالتلي إنه نور مش موافق عليكي خالص، قولتلها بيمثل وحش وأنا مش من جمهوره، ومتقنعوش والمفروض يفرح، وكنت عيلة صغيرة، ومش فاهمة حاجة، وقولتلها هعمل الدور ده حتى لو موافقش، وأنا أجمد من إني أعمل بروفات ترابيزة، ورباب حسين قالتله.
وأردفت زينة: المهم أول يوم تصوير هموت وأعمل الدور حلو، وافتكرت إن الدور لبس، وأول ما دخلت، قالولي أستاذ نور مستنيكي، ولقيته لابس الجلابية بتاعت الدور، وحسيت إن هو أكبر من الدور، وعيطت وجريت، وجالي قولتله أنا مش هقدر أشتغل مع حضرتك، وقالي لا إنتي كويسة، ولو مكنتيش خوفتي كنت همشيكي، وأنا قصدت أخوفك، وفي ممثلة مستنية على التليفون.
زينة عن نور الشريف: كان بيساعدني وبيذاكرلي قبل المشاهد
واختتمت زينة حديثها: وخلاني أستنى لغاية ما دبحوا العجل، وكان ضهره بيوجعه وكان بيساعدني ويذاكرلي ويعمل كل حاجة، وفي الفطار كان يندهني أفطر معاه.
